ပှၤဒဲက၀ီဖိတဂၤလၢ တအဲၣ်ဒိးပာ်ဖျါအမံၤတဂၤ စံး၀ဲ “ တၢ်ကဲထီၣ်အသးအံၤ မ့ၢ်၀ဲဖဲ မုၢ်ယူၢ်ဒီး မဲၢ်ရၤမိၢ်အ ဘၢၣ်စၢၤ ကညီဖိလၢကီၢ်ကၠီၣ်တဲၣ်သ၀ီလၢအမ့ၢ် ကီၢ်မူခံအမဲာ်ညါမီၤ. တၢ်ဆၢကတီၢ် ကဘၣ်ဖဲ ၂ နၣ်ရံၣ်ဒီး ၃ နၣ်ရံၣ်အဘၢၣ်စၢၤ လၢမုၢ်၀ါထီၣ်တကပၤန့ၣ်မီၤ” အဂ့ၢ် အ၀ဲစံး၀ဲလီၤ.
စီၤဃိၣ်လိာ်စီ (ကိး) တြခဲးြခဲး လၢအသးနံၣ်ကအိၣ်၀ဲ ၃၃ ဒီး ၃၅ အဘၢၣ်စၢၤအံၤ အ၀ဲအိၣ်ဒီး အဟံၣ်ဖိဃီဖိလီၤ. အ၀ဲညီ နုၢ်နီ၀ဲသိၣ်လ့ၣ်လၢ မုၢ်ယူၢ်ဒီး မဲၢ်ရၤမိၢ်ဒဲက၀ီၤအဘၢၣ်စၢၤလၢ တီဆါအီၣ်၀ဲ ကိၣ်ဖိနီဖိလၢ ကဆါအီၣ်၀ဲလၢ ဒဲက၀ီၤပူၤအဂီၢ်လီၤ.
ပိာ်မုၣ်လၢအတူၢ်ဘၣ်တၢ်ကစၢ်တဂၤစံး၀ဲ “ ဖဲလၢအ၀ဲယူတံၢ်ဃာ်ယၤလၢ သိလ့ၣ်ကပၤအဆၢက တီၢ် ယဃ့၀ံ သးစူၤအီၤလၢ တဘၣ်ယၤဒ်အံၤတဂ့ၤလီၤ. ဘၣ်ဆၣ်ယဃ့၀ံသူစူၤတန့ၢ်တဘျီ ဒ် ယမ့ၢ်ပိာ်မုၣ်တဂၤအသိး ယဂံၢ်ယဘါတအိၣ်လၢ ကဂုာ်ထူၣ်ဖျဲယသးဘၣ်ဒီး ပှၤလၢ ကမၤစၢၤယၤ တအိၣ်ဘူးစ့ၢ်ကီးနီတဂၤဘၣ်အဃိ ယမၤတသ့နီတမံၤဘၣ်” အဂ့ၢ် စံးဘၣ်၀ဲဒၣ် ကညီတၢ်ကစီၣ် သဘ့ျ အံၤန့ၣ်လီၤ.
ဒဲက၀ီၤဖိတဂၤဃီလၢထးတဂၤ စံး၀ဲ “ တၢ်ဂ့ၢ်တခါအံၤ ကဲထီၣ်သးအိၣ် အိၣ်တဘျုးလါလံမီၤ. ဖဲလၢတၢ်ကဲ ထီၣ်အသးအဆၢကတီၢ် ခ့ၣ်အဲးစံၣ် သံကွၢ်သံဒိးပှၤဒံးဒီး ပတဲပၠးအီၤခဲလၢာ်လီမီၤ. ဘၣ်ဆၣ်တၢ်ကစီၣ်အံၤ ပတထံၣ်လၢ အဟူထီၣ်နီတပူၤဘၣ်မီၤ. အ၀ဲသ့ၣ် သံကွၢ်ပှၤ၀ံၤတဘျီလံ အဂ့ၢ်” တဲ၀ဲဒၣ်လီၤ.
တၢ်ဂ့ၢ်အံၤ ကဲထီၣ်အသး၀ံၤ စှၤသီဒီး ပိာ်မုၣ်အံၤ တီၣ်ထီၣ်တၢ်ဂ့ၢ်ဒီး မဲၢ်ရၤမိၢ် စံၣ်ညီၣ်ကွၢ်ခိၣ် တဲ၀ဲဒီး လိာ်ဘၢ လိာ်ကွၢ်အ၀ဲသ့ၣ်ခံဂၤအံၤ လၢ ပိာ်ခွါန့ၣ်အဲၣ်ဘၢအမါဒီး ပိာ်မုၣ်န့ၣ် ဟးမၤဒီး ပှၤ၀ၤဒ်န့ၣ် ဒဲက၀ီၤဖိတဂၤ တဲ အါထီၣ်ကဒီး၀ဲဒ်အံၤလီၤ.
“ စံၣ်ညီၣ်ကွၢ်ခိၣ်န့ၣ်မီၤ လိာ်ဘၢလိာ်ကွၢ်၀ဲ ပိာ်ခွါန့ၣ်အဲၣ်ဘၢအမါဒီးမ့မ့ၢ်ပိာ်မုၣ်န့ၣ် ဟးမၤဒီး ပှၤ၀ၤ ဒ်အံၤ န့ၣ် တသ့ဘၣ်မီၤ. ဘၣ်မနုၤအဃိလဲၣ်န့ၣ် မ့မ့ၢ်လၢ တၢ်ပိာ်မုၣ်အ၀ဲန့ၣ်ဘၣ်သး တခီ ပစံးလၢ အ၀ဲ ဟးမၤဒီးပှၤ ၀ၤသ့လီၤ. ခဲအံၤတခီ တမ့ၢ်ဒ်န့ၣ်ဘၣ်. ပိာ်ခွါန့ၣ် ဖီၣ်ဆူၣ်အီၤအဃိ ပတဲလၢ အ၀ဲဟးမၤဒီးပှၤ၀ၤကသ့ဒ် လဲၣ်အဂ့ၢ်” တဲဒီးရှဲပၠး၀ဲလီၤ.
လၢခံဘၣ်ဃးဒီး စံၣ်ညီၣ်ကွၢ်ခိၣ်တဂၤ တၢ်ပာ်ထီၣ်တၢ်ကမၣ်ဒီးလိာ်ဘၢလိာ်ကွၢ်၀ဲ ပိာ်မုၣ်တဂၤလၢ အဟးမၤဒီးပှၤ၀ၤ တၢ်ဂ့ၢ်တခါအံၤထုးကွံာ်၀ဲအဂ့ၢ် ပသ့ၣ်ညါဘၣ်အီၤလီၤ.
လၢခံဘၣ်ဃးဒီး စံၣ်ညီၣ်ကွၢ်ခိၣ်တဂၤ တၢ်ပာ်ထီၣ်တၢ်ကမၣ်ဒီးလိာ်ဘၢလိာ်ကွၢ်၀ဲ ပိာ်မုၣ်တဂၤလၢ အဟးမၤဒီးပှၤ၀ၤ တၢ်ဂ့ၢ်တခါအံၤထုးကွံာ်၀ဲအဂ့ၢ် ပသ့ၣ်ညါဘၣ်အီၤလီၤ.
အန့ၣ်ဒီး ပိာ်ခွါအံၤ ဒဲက၀ီၤလိာ်ဘၢလိာ်ကွၢ်အီၤဒီးအီၣ်လိးအီၤဒ် ခ့ၣ်အၣ်စံၣ် တၢ်ဘျၢ နီၣ်ဂံၢ် ၂၃ အသိးလၢ စ့ယိၤ တကထိဒီး လၢဃိာ်ပူၤ ၆ လါန့ၣ်လီၤ. ဘၣ်ဆၣ်သနာ်က့ လၢခံကတၢၢ် ဒဲက၀ီၤ ကမံးတံာ် မၤညီ ထီၣ်န့ၢ်အီၤဒီးတပျဲလီၤအီၤလၢ ဃိာ်ပူၤဘၣ်ဒီး ဃ့အီၤလၢ စ့အီၣ်လိး ၇၅၀၀ ဘး လၢ ကၠီၣ်တဲၣ်စ့အဂ့ၢ် ပ သ့ၣ်ညါဘၣ်အီၤဒ် ပှၤလၢ အလဲၤပၣ်ဃုာ်လၢ ပှၤထီၣ်တၢ်မူးတၢ်ရၢ်အပူၤ အံၤတဂၤ စံး၀ဲအသိးလီၤ.
ကညီဘၣ်ကီဘၣ်ခဲဒဲက၀ီၤလၢ အအိၣ်လၢ ကၠီၣ်တဲၣ်ကီၢ်ပယီၤကီၢဆၢအံၤ ခဲလၢာ် အိၣ်၀ဲ ၇ ဖျၢၣ်န့ၣ်လီၤ. တၢ် ဂ့ၢ်ဘၣ်ဃးဒီး မုၣ်ခွါတၢ်ဂ့ၢ် ကီတဖၣ်အံၤ အါတက့ၢ်ကဲထီၣ်အသး ဒီး ဒဲက၀ီၤ ကမံးတံာ်တခီ မၤထွဲ၀ဲဒ် ခ့ၣ်အၣ်စံၣ် နဲၣ်လီၤဃာ်၀ဲတၢ်ဘျၢအိၣ်၀ဲအသိးအံၤန့ၣ်လီၤ.
Post a Comment