ဘ့ကလါဒ့းရှ် ထံဂုၤကီၢ်ဂၤကိတိာ် ဒံပူမိနံ ၀့ၢ်ဒၤကၤ ဖဲ လါယူၤ ၁၂ သီအနံၤန့ၣ် တဲဘၣ်၀ဲ ဒၣ်ပှၤဃုတၢ်ကစီၣ်ဖိတဖၣ်လၢ “ ပှၤဘၣ်ကီဘၣ်ခဲလၢ ကဟဲအါထီၣ်တဖၣ် ပကတူၢ်လိာ်အီၤ အဂီၢ် တမ့ၢ်တၢ်ဂ့ၤလၢ မုၢ်ကျိၤ၀ဲၤကွာ်အဂီၢ်ဘၣ်လီၤတံၢ်၀ဲလီၤ. တပျဲဟဲနုာ်လီၤဘၣ်ကီဘၣ်ခဲ လၢအသီတဖၣ်အါအါလၢၤဘၣ်အဂ့ၢ်” တဲ၀ဲဒၣ်လီၤ.
ဘ့ကလါဒ့းရှ် ပဒိၣ်အံၤ ဖဲလါယူၤ ၁၂ သီအနံၤန့ၣ် ရိဟ့ကၠၢၣ် ဟဲနုာ်လီၤလၢ အထံအကီၢ်ပူၤ ၁၀၀၀ ဘျဲၣ် ချံသၢဘ့ၣ်အံၤ ပျဲက့ၤကဒါက့ၤ၀ဲလၢ ကီၢ်ပယီၤတကပၤအအိၣ်တဘျီဃီန့ၣ် လီၤ. အပူၤကွံာ် ယၤဖှိၣ် ၁၀ နံၣ်အတီၢ်ပူၤ ကီၢ်ဘ့ကလါဒ့းရှ် တူၣ်လိာ်၀ဲ ရိဟ့ကၠၢၣ် ၂ ကလီၢ်ဒီး ၃ကလီၢ်အဘၢၣ်စၢၤ၀ံၤ မၤနီၣ်ဃာ်၀ဲဒ်အမ့ၢ် တၢ်၀ံတၢ်ယိးဒီး ရိဟ့ကၠၢၣ်တဖၣ် မ့ၢ်ပှၤလၢ အထံအကီၢ်တအိၣ်ဘၣ်ဒီး ဒ်န့ၣ်အသိး ကီၣ်ပယီၤပူၤ စ့ၢ်ကီး တၢ်ဆိကမိၣ်အီၤ ဒ်ကီၢ်ဘ့ကလါဒ့းရှ် တၢ်ကစီၣ်ပာ်ဖျါထီၣ်၀ဲအသိး ပသ့ၣ်ညါဘၣ်အီၤလီၤ.
Post a Comment