ရိဟ့ကၠၢၣ်ဘၣ်ကီဘၣ်ခဲလၢ အဟဲဃ့ၢ်ဃီၤလၢ ကီၢ်ပယီၤတဖၣ် လၢအ၀ဲသ့ၣ်အထံကီၢ် ကတူၢ် လိာ်အါထီၣ်၀ဲအဂီၢ် တသ့လၢၤဘၣ်အဂ့ၢ် ဘ့ကလါဒ့းရှ် ကိတိာ်ခိၣ်ကျၢၢ် ရှ့ၣ်ဟၣ်ဆံၣ်နၣ် စံး၀ဲလီၤ.
လၢအ၀ဲသ့ၣ်အထံအကီၢ်အပူၤ ကတီၢ်အံၤ ရိဟ့ကၠၢၣ်လၢအဟဲလၢ ကီၢ်ပယီၤပူၤ အိၣ်၀ဲ ၃ကလီၢ်အံၤ တူၢ်လိာ်၀ဲဒ်အမ့ၢ် ဘၣ်ကီဘၣ်ခဲအသိးလီၤ.
ဘၣ်ကီဘၣ်ခဲလၢ အဟဲဃ့ၢ်ခဲလၢာ်န့ၣ် တမ့ၢ်ဘ့ကလါဒ့းရှ် ကဘၣ်ဟံးမူဒါ၀ဲဘၣ်အဂ့ၢ် ကိတိာ်ခိၣ် ရှ့ၣ်ဟၣ်ဆံၣ်နၣ် စံးဘၣ်၀ဲ အဲၣ်ကၠၢၣ်စံၣ် တၢ်ကစီၣ်လီၤ.
ဘၣ်ကီဘၣ်ခဲလၢ အဟဲဃ့ၢ်ခဲလၢာ်န့ၣ် တမ့ၢ်ဘ့ကလါဒ့းရှ် ကဘၣ်ဟံးမူဒါ၀ဲဘၣ်အဂ့ၢ် ကိတိာ်ခိၣ် ရှ့ၣ်ဟၣ်ဆံၣ်နၣ် စံးဘၣ်၀ဲ အဲၣ်ကၠၢၣ်စံၣ် တၢ်ကစီၣ်လီၤ.
ကတီၢ်အံၤ တၢ်ကဲထီၣ်အသးလၢ ရခၢၣ်ကီၢ်စဲၣ်အပူၤ တယံာ်ဒံးဘၣ်န့ၣ် တၢ်ကီတၢ်ခဲတဖၣ် အံၤ ပယီၤသုးတဖၣ် ဟံးတၢ်ဘံၣ်တၢ်ဘၢဒီး အိၣ်ဒီးတၢ်ဒူၣ်တၢ်ဆၢလၢ တၢ်ကွၢ်မဲာ်တၢ်အဂ့ၢ် န့ၣ် ဟီၣ်ခိၣ် ဒိဖျၢၣ်ဘီမုၢ်စၢဖှိၣ်ကရၢ နၣ်ဘံၣ်ပံၣ်လ့ စံး၀ဲဒၣ်ဖဲ မဟါတနံၤန့ၣ်လီၤ.
လၢတၢ်ကြတီဆၢဒီသဒၢ၀ဲပှၤမၤတၢ်တၢထီၣ်တၢလီၤတၢ်တဖၣ် န့ၣ် Ms.Navi Pillay တခီ ဟ့ၣ်ဂံၢ်ဟ့ၣ်ဘါ၀ဲလီၤ. ဘၣ်ထွဲဒီး ရိဟ့ၣ်ကၠၢၣ်တၢ်ဂ့ၢ်အံၤ ပယီၤပဒိၣ်ဒီး တၢ်ကစီၣ်သန့လၢ အဂၤတနီၤ ကွဲး၀ဲတၢ်ဆါဆါဘျါဘျါအဖီခိၣ် ကဲထီၣ်၀ဲ တၢ်လီၤဘၣ်ယိၣ်လၢအ၀ဲဂီၢ်လီၤ.
ဒ်န့ၣ်အသိးစ့ၢ်ကီး ဟီၣ်ခိၣ်ဒီဖျၢၣ် ပှၤဂ့ၢ်၀ီကရၢ ခၢၣ်စးလီၤဆီ မံးစထၢၣ် က့တါနါ တခီ လါလၢ ကဟဲ အသီ ၃၀ ဒီး တုၤလၢ အီကူာ် ၄ သီအနံၤန့ၣ် ကဟဲဝဲလၢ ကီၢ်ပယီၤဒီး ခီဖျိပယီၤပဒိၣ် တၢ်ကွဲးမုာ်အဃိ Ms.Navi Pillay တခီ တူၢ်လိာ်စ့ၢ်ကီး၀ဲလီၤ. မံးစထၢၣ် က့တါနါ အတၢ်လဲၤ တဘျီအံၤ တၢ်ကဲထီၣ်အသးလၢ ရခၢၣ်ကီၢ်စဲၣ်ပူၤ ပှၤလၢအဘၣ်ဒိဘၣ်ထံးအါကတၢၢ် ကအိၣ်ဒီး တၢ်ခွဲးတၢ်ယာ်လၢ ကထံၣ်၀ဲလၢ အနီၢ်ကစၢ်အမဲာ် အဂ့ၢ် မ့ၢ်တၢ်အရ့ဒိၣ်န့ၣ် ဟီၣ်ခိၣ်ဒီဖျၢၣ် ပှၤဂ့ၢ်၀ီ ခွဲးယာ်စံး၀ဲဒၣ်လီၤ.
Post a Comment