ခွါဂဲၤဒိကၠဲးကံၣ်ခၠါကလဲၤဆူကီၢ်ပယီၤ

ကွဲၤကလုၢ်
ယူၤလံ ၄, ၂၀၁၂




ခွါဂဲၤဒိ မံၤဟူသၣ်ဖျါ ကၠဲးကံၣ်ခၠါ လၢအမ့ၢ်ဟီၣ်ကီၣ်ခွါ ဂဲၤဒိကဟးထီၣ်လၢတရူး ကီၢ်ဖဲလါယူၤလံ ၅ သီ ,၂၀၁၂ အ နံၤ ဒီးကလဲၤဆူကီၢ်ပယီၤအဂ့ၢ် တၢ် ကစီၣ်သန့တဖၣ်ပာ်ဖျါ ၀ဲလီၤ.

ဘၣ်ထွဲ ခွါဂဲၤဒိ လၢအမံၤဟူသၣ်ဖျါကၠဲးကံၣ်ခၠါ အတၢ်လဲၤဟး ဆူကီၢ်ပယီၤပူၤအံၤန့ၣ်ဟဲ၀ဲလၢ ဟီၣ်ခိၣ်ဘီမုၢ်စၢဖှိၣ်ကရၢတၢ်ကွၢ်ထွဲဖိသၣ်ဂ့ၢ်ဂီၢ်အူစ့ ပာ်ကီၤကရၢ (ယူၣ် နံၣ်စဲး ) အတၢ်ရဲၣ် တၢ်ကျဲၤအပူၤ ဒ်သိးအ၀ဲကထံၣ် လိာ်သးဒီ း ဖိဒံဖိသၣ် လၢကီၢ်ပယီၤပူၤဒီး ကဟ့ၣ်ဂံၢ်ဟ့ၣ်ဘါ ၀ဲအဂီၢ် န့ၣ်လီၤ.

ကီၢ်ပယီၤတၢ် ရ့လိာ်မုာ်လိာ်၀ဲၤဒၢး ပာ်ဖျါ ၀ဲလၢ ,ကၠဲးကံၣ်ခၠါ အတၢ် ဟဲတဘျီ အံၤတၢ်လၢအ ၀ဲ တိာ်ပာ်မ့ၢ် ဒ်သိး ကရ့လိာ်မုာ်လိာ်သး အဂီၢ် ဒီးကဃုသ့ၣ်ညါ၀ဲဘၣ် ဃး ဒီး ပှၤကီ ၢ်ပယီၤ ဖိ ဒံ ဖိ သၣ်တဖၣ်အဂ့ၢ် အကျိၤ ,တၢ်လီၢ်လၢတၢ်လိၣ်ဘၣ်အါ ထီၣ် စ့ပာ်ကီၤအလီၢ်တဖၣ်တၢ် ကမၤပှဲၤ ထီၣ်က့ၤအီၤ အဂီၢ် ,ဒ်သိးဖိဒံဖိ သၣ် အတၢ်သ့ၣ်ညါ ကအါ ထီၣ်အဂီၢ်ကထံၣ် လိာ်သး ဒီး ဖိသၣ် ဒီး ကဟ့ၣ်ဂံၢ် ဟ့ၣ်ဘါ၀ဲ ,တၢ်ကူၣ်ဘၣ်ကူၣ်သ့တကပၤ ကကွၢ် ၀ဲ ,တၢ်ကွၢ် ထွဲဖိဒံဖိသၣ်တကပၤ စ့ၢ်ကိး ကကွၢ်၀ဲ ပၣ်ဃုာ်ဒီး တၢ် ကူၣ်လဲၤမၤကၤပှၤကူ ပှၤကညီတဖၣ် က ဃုသ့ၣ်ညါ ၀ဲအဂ့ၢ် န့ၣ် လီၤ.

ဖဲလါ ယူၤ လံ ၅ သီ အနံၤ က ဟး ထီၣ်လၢတရူး ကီၢ် ,၀့ၢ်ဘံ ၣ်က့ ဒီး ကဟဲ ဒီး ကဘီယူၤ အဆိကတၢၢ်ကဟဲဆူကီၢ်ပယီၤပူၤဖဲ မါတလ့ ၀့ၢ် ၀ံၤကဟဲဆူ၀့ၢ် တကူၣ်န့ၣ် လီၤ. ကဟး ထီၣ်ကဒါက့ၤလၢ ကီၢ်ပယီၤပူၤဖဲလါယူၤ လံ ၈သီ အနံၤန့ၣ် လီၤ.

တချုးကၠဲးကံၣ် ခၠါဟးထီၣ်လၢကီၢ် ပယီၤပူၤဒံးဘၣ် န့ၣ်အိၣ် ဒီး အတၢ်ရဲၣ်တၢ်ကျဲၤလၢကမၤ၀ဲဒၣ် တၢ်မၤနၢ်ပၢၢ်ပှၤဃုတၢ်ကစီၣ်တဖၣ် အမူး ဖဲ၀့ၢ်တကူၣ် ,တၢ်ကူၣ်လဲ မၤကၤဖးဒိၣ်ဟံၣ်ဒွဲ အပူၤ န့ၣ်လီၤ.

ကၠဲးကံၣ်ခၠါအတၢ်ဟဲဟးဆူကီၢ်ပယီၤပူၤ မ့ၢ်တၢ်အဆိကတၢၢ်တဘျီ န့ၣ်လီၤ.