ထံကီၢ်တၢ်ဘျၢခိၣ်သ့ၣ် အဆၢဒိၣ် (၁) နီၣ်ဂံၢ်ဒိၣ် ၂ န့ၣ် စံး၀ဲ“ ထံကီၢ်အံၤ ကဘၣ်တၢ်ကိးအီၤ လၢ ကီၢ်ခိၣ်ကီၢ်ပယီၤန့ၣ်လီၤန့ၣ်” တၢ်တဲဖျါထီၣ်ဃာ်၀ဲအဃိ တၢ်ကစံးသကိးဒီး ကိးသကိး အီၤဒ်အံၤအဂီၢ်ကီၣ်မံၣ်ရှၢၣ်တဖၣ် တဲပၠး၀ဲဒၣ်လီၤ.
ဒီကလုာ်ဒံၣ်မိၣ်ကရ့ၣ်စံၣ် ကရၢခိၣ် ဒီၣ်အီၣ်ဆါစူးကၠံၣ် လဲၤတဲလီၤ၀ဲတၢ်ဖဲ ဟီၣ်ခိၣ်ဒီဖျၢၣ် မုၢ်ကျိၤ၀ဲၤကွာ်ဒီး သူ၀ဲလၢ Burma အဃိ ဒ်ကီၢ်စၢဖှိၣ် ကီၣ်မံၣ်ရှၢၣ် ဒုးအိၣ်ထီၣ်ဃာ်၀ဲ ဂံၢ်ခီၣ်ထံး တၢ်ဘျၢအသိး တၢ်မ့ၢ်သူအီၤဒီးတဲအီၤန့ၣ် ကဘၣ်မ့ၢ်၀ဲ “ကီၢ်ပယီၤ” အဂ့ၢ် တၢ်ဘိး ဘၣ်ရၤလီၤတ့ၢ်ဃာ်၀ဲဖဲ ၁ , ၆ , ၂၀၁၂ န့ၣ်လီၤ.
လၢတၢ်န့ၣ်အဃိ ဒီၣ်စူး ဟီၣ်ခိၣ်ဒီဖျၢၣ်တၢ်လဲၤအံၤ လၢတၢ်တဲလီၤတၢ်အပူၤ သူ၀ဲလၢ Burma အဃိ ၂၈ သီ ၆ လါ ၂၀၁၂ နံၣ် တၢ်တဲဖျါထီၣ်ကဒီးအသီတဘျီလီၤ. မ့ၢ်ကိးလၢ Burma န့ၣ် တၢ်ဂ့ၢ်ကီတအိၣ်ထဲန့ၣ်ဘၣ်. တၢ်ဘၣ်ယိၣ်အိၣ်လၢ မ့ၢ်ကိး၀ဲလၢ Burmese ဒု ကကဲ၀ဲ ထဲပယီၤ တကလုာ်ဒု ဆီဖိၣ်ဃဲကညီဖိ ပှၤမ့ၢ်ဖျးဒုကဖျးဆၢသပှၢ်ကတၢၢ်လီၤ.
ဘၣ်ထွဲဒီးတၢ်ဂ့ၢ်အ၀ဲအံၤ တၢ်ဆဲးကိျးဒီး ဒီကလုာ်ဒံၣ်မိၣ်ကရ့ၣ်စံၣ် တၢ်ဒိဆၢတဲဆၢ၀ဲၤလီၢ်ခိၣ် သ့ၣ်မူဒါခိၣ် အူညၣ်၀့ န့ၣ် လၢဒီၣ်စူး အမံၤ Byname ဆှၢ၀ဲအဃိ ဒီၣ်စူးမ့ၢ်ဟဲက့ၤမးဒီး ကဆဲး ဟံးထီၣ်ဖီၣ်ထီၣ်၀ဲတၢ်ဂ့ၢ်အံၤအဂီၢ် ဒီး အ၀ဲအတၢ်ထံၣ်အံၤ ကမၤ၀ဲအဂ့ၢ် စံးဆၢကဒါက့ၤ၀ဲလီၤ.
Post a Comment