illegal Immigrants ကီၤလၤသူ မူၣ်စလ့ၣ် ရိၤဟ့ ကၠၣ်

ဘ့ၢ်ကလံၣ် ကီၤလၤသူတဖၣ် ကတိၤ၀ဲပယီၤကျိာ်ဘၣ်လီၤ. ၀ံၤဒီးကူသိး၀ဲ ပယီၤ ထဲကူနံၣ်တ ဖၣ်သ့စ့ၢ်ကီးလီၤ. ၀ံၤဒီးအီၣ်အီ၀ဲ ပယီၤတဖၣ်အတၢ်အီၣ်လီၤ. လၢတၢ်န့ၣ်အဃိ ကမ့ၢ်၀ဲ ကီၢ်ပယီၤဖိဧါ, Citizen of Myanmar or Myanmar Nationals အံၤကသ့ဧါ.

လၢကၠီၣ်တဲၣ်ပူၤ ဘၣ်ကီဘၣ်ခဲဒဲက၀ီၤပူၤတဖၣ် အမဲာ်ညါ ဘီကီး, ကံၢ်မဲ ၀့ၢ်ပူၤတဖၣ် ပှၤကီၢ် ပယီၤဖိလၢတဖိးသဲစးလဲၤအိၣ်၀ဲဒီဒူၣ်လီၤ. အါန့ၢ်ဒံး လၢအကလီၢ်အကလးညါလီၤ. ကီၢ်ပယီၤဖိလၢအလဲၤအိၣ်တုၤလၢ ကၠီၣ်တဲၣ်ထံကီၢ်တဖၣ် ကူသိးထီၣ်၀ဲ ဖျီၣ်ခံထီ ဒ်ယိၤဖိတ ဖၣ်ကူသိး၀ဲအသိးလီၤ. ကတိၤ၀ဲ ကၠီၣ်တဲၣ်ကျိာ်ဒီး အီၣ်၀ဲ ကၠီၣ်တၢ်အီၣ်တဖၣ်လီၤ. လၢတၢ်န့ၣ် အဃိ အ၀ဲသ့ၣ်တမ့ၢ်၀ဲ ကၠီၣ်တဲၣ်ထံဖိကီၢ်ဖိဘၣ်. ခီဖျိကတိၤ ကၠီၣ်တဲၣ် ကျိာ် ဘၣ်ဒီး ကူသိး ဖျီၣ်ခံထီခီၣ် ဒ်ကၠီၣ်တဲၣ်သ့အဃိ တပာ်ပနီၣ်၀ဲ ဒ်အမ့ၢ် ကၠီၣ်တဲၣ်အထံဖိကီၢ်ဖိ တမ့ၢ်ဘၣ်.


ကၠီၣ်တဲၣ်ကီၢ်ပူၤ ကလုာ်ဒူၣ်လၢ အအိၣ်၀ဲ တနီၤယံာ်လၢ အနံၣ် ၃၀ တုၤ ၄၀ အိၣ်အသိး စၢၤသွဲၣ်အိၣ်၀ဲ သၢခါလံဒီး ပှၤကီၢ်ပယီၤဖိလၢ အမိၢ်အမိၢ်အပၢ်အိၣ်လၢကၠီၣ်တဲၣ် ဒီး အိၣ်ဖျဲၣ်ထီၣ်လၢ ကၠီၣ်တဲၣ်လၢ​ က့ၤတတုၤဒံးလၢ ကီၢ်ပယီၤအိၣ်ဒီဒူၣ်လီၤ. ပှၤသ့ၣ်တဖၣ် အံၤ ကၠီၣ်တဲၣ်ပဒိၣ်တဖၣ် တပာ်ပနီၣ်အီၤလၢအမ့ၢ် ကၠီၣ်တဲၣ်အထံဖိကီၢ်ဖိနီတဘျီဒံးဘၣ်.


အနီၢ်နီၢ်တခီ ဘ့ၢ်ကလံၣ် ကီၤလၤသူတဖၣ် ပဒိၣ်သူၣ်ဒိသးဒီး သးကညီအီၤ ပလီအီၣ်အီၤ ဒ်မ့ၢ် Christian Soldarity World Wide ပှၤ၀ါဖံးဖိ Mr. Benedict Rogers ဒီး ရိဟ့ကၠၢၣ်တၢ်ဂ့ၢ် အံၤ ပှၤလၢအဃိထံတၢ်ဒီး မၤဘံဘူထီၣ်တၢ် ၀ါဖံးမုၣ်ဖိ Chris Lewa သ့ၣ်တဖၣ် အဲၣ်ဒိးတဲ ဘၣ်သးလၢ​ ရှဲရှဲဖိန့ၣ်န့ၣ်လီၤ. နမ့ၢ်သါကညီၤဒီး က့ၤကိးပာ်နဲတက့ၢ်. ပှၤသ့ၣ်တဖၣ်အံၤ ခဲလၢာ်န့ၣ် က့ၤကိးက့ၤအီၤလၢ နအိၣ်ဒီး မၤစၢၤအီၤက့ၤကိးအီၤလၢ အ၀ံၤတစုန့ၣ် တြတီနၤဘၣ်.


ကီၢ်ပယီၤပူၤ ဟဲနုာ်ခူသူၣ်လၢ တဖိးသဲစး Illegal Immigrants အံၤ ဆၢကတီၢ်ဖဲလဲၣ်တဘျီ လၢ ပှၤမ့ၢ်ဘၣ်သးလၢ ကလဲၤသုးလီၢ်သုးကျဲလၢ ထံကီၢ်သၢဘ့ၣ်တဘ့ၣ်အတၢ်ရဲၣ်တၢ်ကျဲၤန့ၣ် ကွၢ်လၢ ထံကီၢ်လၢ နအဲၣ်ဒိးတဘ့ၣ်ဘ့ၣ် လဲၤဒီး လဲၤအိၣ်လဲၤဆိးတခီ ပှၤကီၢ်ပယီၤဖိကစံး၀ဲ တၢ်ဘျုး တၢ်ဘျုးလီၤ.


ဘၣ်ဆၣ်သနာ်က့ ပကတိၤပယီၤကျိာ်သ့ ကူသိးဒ်သိး ပယီၤတဖၣ်ကူ၀ဲသ့အသိးန့ၣ် တူၢ်လိာ်နၤလၢ ကီၢ်ပယီၤထံဖိကီၢ်ဖိန့ၣ် ကတီၢ်အံၤ တန့ၢ်လၢၤဘၣ်. ကီၢ်ပယီၤပူၤ ပှၤနီၣ်ဂံၢ် စှၤဒီး တၢ်လီၢ်တဖၣ် အါ၀ဲအဃိ လၢကီၢ်ဆၢ ဟီၣ်ကဝီၤတၢ်လီၢ်တဖၣ် ပှၤကီၢ်ပယီၤဖိတလဲၤအိၣ်ဘၣ်. တၢ်သ့ၣ်တဖၣ်အံၤ အ၀ဲသ့ၣ်ဟံးန့ၢ်တၢ်ခွဲးတၢ်ယာ်ဒီးဟဲကိးဃုာ်ဒီး အပုၢ်အ၀ဲၢ် ဟံၣ်ဖိဃီဖိ ဒူၣ်ဖိထၢဖိတဖၣ် ဟဲနုာ်လီၤလၢအတဖိးသဲစးတဖၣ်လီၤ.