အပူၤကွံာ်နံၣ်တ၀ာ်န့ၣ် နီၣ်၀့အထံကီၢ်အံၤ တၢ်စံး၀ဲလၢ တၢ်မုာ်တၢ်ခုၣ်အိၣ်လံလၢ နီၣ်၀့အထံ ကီၢ်အံၤ ပှၤခဲလၢာ်အဂၤ ၇၇ ဂၤဘၣ်သံ၀ဲဒၣ်လၢ တၢ်မၤပိၢ်ဖးထီၣ်သိလ့ၣ်မ့ၣ်ပိၢ်ဒီး တၢ်ခးလိာ် သးအံၤ Andres Breivik လၢအသးအိၣ် ၃၃ နံၣ်တဂၤ မဟါတနံၤ တၢ်ပျဲလီၤအီၤလၢ ဃိာ် ပူၤ ၂၁ န့ၣ်လီၤ.
အခဲအံၤ ပှၤလၢအမၤကမၣ်တၢ် ကွီၢ်မ့ၣ်ဖိတဂၤ တၢ်ထၢနုာ်လီၤအီၤလၢ ဃိာ်ပူၤအံၤ မ့ၢ်၀ဲ နီၣ်၀့ အဆၢတဲာ်လၢ အဟ့ၣ်ပာ်ဖျါထီၣ်၀ဲ လၢအဂ့ၤတခါလီၤန့ၣ် Mirror ကလံၤကျါသန့ ပာ်ဖျါထီၣ်၀ဲဒၣ်လီၤ.
အ၀ဲ တၢ်ပာ်ပနီၣ်အီၤဒ်အမ့ၢ်ပှၤလၢ အခိၣ်နူာ်တမၤတၢ်ဘၣ်သနာ်က့ ခီဖျိအ၀ဲမၤကမၣ်တၢ် အဃိ ဘၣ်တၢ်ဆှၢအီၤဆူ ဃိာ်ပူၤလီၤ. တၢ်တဆှၢအီၤဆူ ပျီသီတၢ်ဆါဟံၣ်ဘၣ်ဒီး တၢ်ဆှၢ အီၤဆူ ဃိာ်ပူၤန့ၣ်လီၤ.
အပူၤကွံာ် ယူၤလံ ၂၂ သီအနံၤန့ၣ် သိလ့ၣ်အမ့ၣ်ပိၢ် ပိၢ်ဖးထီၣ်ဖဲ အီၣ်စလိၣ် ပဒိၣ်အ၀ဲၤဒၢး န့ၣ် မၤကမၣ်စ့ၢ်ကီး၀ဲလီၤ. လၢတၢ်န့ၣ်အဃိ ပှၤသံ၀ဲ ၈ ဂၤဒီးဘၣ်ဒိ၀ဲဒီဒူၣ်ဒီထၢစ့ၢ်ကီးလီၤ.
အ၀ဲမၤကမၣ်တၢ်ဒ်အံၤ၀ံၤဒီး ဆဲးလဲၤ၀ဲလၢ Utoya ကီးခိၣ်၀ံၤ ဖဲန့ၣ်ပှၤသးစၢလၢအဂဲၤလိာ် ကွဲလၢ တၢ်ဂဲၤလိာ်ကွဲဒဲက၀ီၤပူၤတဖၣ် အါအါဂီၢ်ဂီၢ် ခးသံ၀ဲဒီးတၢ်စုက၀ဲၤစ့ၢ်ကီးလီၤ.
ဒ်သိးသုတကခးတဂ့ၤအဂီၢ် တိရှိ ဃ့ကညး၀ဲအမဲာ်ညါ အ၀ဲခး၀ဲ ပှၤသးစၢ်တဒူၣ်အံၤအဃိ ၆၉ ဂၤသံကွံာ်၀ဲဒၣ်လီၤ.
Post a Comment