ခ့ၣ်အဲးအ့ၣ် သုးက့ ၃ သုးရ့ၣ် ၁ သုးကရူၢ်ဒီး ပၣ်ရှၤသ၀ီအဃၢၤ ပဒိၣ်အသုး စကခ ၂၁ လၢအအိၣ်သူ လီၤအသးဖဲန့ၣ် ခလရ ၂၃၇ သုးရ့ၣ်တဖၣ်အဘၢၣ်စၢၤ တၢ်ဒုးအပူၤ ခ့ၣ်အဲးအ့ၣ် ခးအ၀ဲသ့ၣ်ဒီး အၣ်ဖံၣ်ကၠံၣ် ဘၣ်၀ဲ ပဒိၣ်အသုး သုးရ့ၣ်အဟံၣ်တၢးဒီးတၢ်ဘၣ်ဒိဘၣ်ထံးအိၣ်အသိး ဒီးလၢ မိမစ့ၣ်လိၣ် သုးဟဲမၤစၢၤတၢ် သိလ့ၣ်တဖၣ် တၢ်မၤဟးဂီၤအီၤအဂ့ၢ် ခ့ၣ်အဲးအ့ၣ် စံး၀ဲဒၣ်လီၤ.
ပဒိၣ်သုးတကပၤ အစှၤကတၢၢ် ၂၀ ဂၤသံ၀ဲ၀ံၤ ပှၤလၢဘၣ်ဒိဘၣ်ထံး ကအိၣ်၀ဲလၢ အနီၢ်ဂံၢ်လၢ အဆံးတဖၣ်အဂ့ၢ် ခ့ၣ်အဲးအ့ၣ်စံး၀ဲလီၤ.
ဘၣ်မီၣ် လွဲကၠၢၣ်ကျဲဖီခိၣ် သိလ့ၣ်ကူၣ်လဲာ်မၤကာ်တခိၣ် ဘၣ်၀ဲဒီးမ့ၣ်ပိၢ်၀ံၤ သိလ့ၣ်ဆဲးကဲး ၂ ခိၣ် ဘၣ်၀ဲစ့ၢ်ကီးဒီး ပှၤသိလ့ၣ်ဆဲးကဲးကစၢ်ခံဂၤ ဘၣ်ဒိ၀ဲဒၣ်လီၤ.
Post a Comment