တၢ်ဘိးဘၣ်သ့ၣ်ညါ

ကညီ-ခွဲးယာ်-ဂဲၤလိာ်-ကရူၢ်

Karen Rights Action Group

K.R.A.G

Truth is Eternal

ဆူ,                                                                                                    ၂၁-၉-၂၀၁၂

   ဒီပုၢ်၀ဲၢ်ပှၤမၤသကိးတၢ်ဒီးပှၤသးဆူၣ်လၢကလုာ်မူဒါ

တၢ်ဂ့ၢ် - တၢ်ဒုးသ့ၣ်ညါလၢတၢ်ဒုးအိၣ်ထီၣ် (ကညီ-ခွဲးယာ်-ဂဲၤလိာ်-ကရူၢ်)   သဘ့ျဒီး  တၢ်ကွဲမုာ်လၢတၢ် တီခိၣ်ရိၣ်မဲ, တၢ်ဆီၣ်ထွဲမၤသကိးဒီးတၢ်ဟ့ၣ်ကူၣ်ဟ့ၣ်ဖးအဂီၢ်.

ဒီပုၢ်၀ဲၢ်ဧၢ,

ဖဲ (၁၂/၉/၂၀၁၂) ဂီၤ ဒ်ပတၢ်ထံၣ်, တၢ်တူၢ်ခီၣ်ပာ်သးအသိးပဆၢတဲာ်ဒုးအိၣ်ထီၣ်န့ၢ် (ကညီ- ခွဲးယာ်-ဂဲၤလိာ်-ကရူၢ် လၢအဲကလံးကျိာ် Karen Rights Action Group) လၢကကဲတၢ်မၤစၢၤလၢ  KNU ကရၢမိၢ်ပှၢ်အဂီၢ် န့ၣ်လီၤ.

K.R.A.G အံၤတမ့ၢ်တၢ်ပာ်သးလီၤဆီဒီး တၢ်မၤလီၤဘီလီၤမုၢ်တခါဘၣ်. မ့ၢ်ဒၣ်တၢ်ဆိကမိၣ်ဒီး တၢ်မၤ (ပတီၢ်မုၢ်)ဘၣ်ဆၣ်အိၣ်သူၣ်လီၤအသးလၢ ( တၢ်မ့ၢ်တၢ်တီန့ၣ်အိၣ်လီၤစိၤ- Truth is Eternal) န့ၣ် လီၤ. မ့ၢ်တၢ်မၤအသီအဃိ ခဲအံၤဘၣ်တၢ်ဟံးဆိမူဒါလၢ ပဒဲထူ ဒီးအဖိအလံၤ (၂၇) ဂၤသနာ်က့လၢ တၢ်မၤ ဆူညါဒီးတၢ်ရဲၢ်တၢ်ကျဲၤအဂီၢ် ပလိၢ်ဘၣ်ပှၤအါဂၤအတၢ်တီခိၣ်ရိၣ်မဲ, တၢ်မၤသကိးဒီး တၢ်ဟ့ၣ် ကူၣ်ဟ့ၣ်ဖး တဖၣ်လီၤ.

ပတၢ်တူၢ်ခီၣ်ပာ်သးဒီး တၢ်မၤမ့ၢ်၀ဲလၢတၢ်သးတဖျၢၣ်ဃီအပူၤ ပကဂုာ်ကျဲးစၢၤဂဲၤလိာ်သပှၢ်ပှၢ်လၢ ပှၤကညီကလုာ်အတၢ်ခွဲးတၢ်ယာ်အမ့ၢ်အတီလၢြကၢးဒိးန့ၢ်၀ဲတဖၣ် ကန့ၢ်ဘၣ်၀ဲအဂီၢ်န့ၣ်လီၤ.

ဒီပုၢ်၀ဲၢ်သးဘိသ့ၣ်ဧၢ,

          မုၢ်မဆါတနံၤအံၤလၢတၢ်အိၣ်သးကပၤကပၤအဖီခိၣ် ပထံၣ်သ့ၣ်ညါဘၣ်လၢပပှၤဒီ ကလုာ်အိၣ်လၢ ကီၢ်ပူၤ, အိၣ်လၢကီၢ်ဆၢဒီးအိၣ်လၢ ကီၢ်ချၢတဖၣ်ဆၢမုၢ်လၢ်၀ဲလၢ ကညီခိၣ်နၢ် စဲၢ်နီၤတဖၣ်လၢကတီခိၣ်ရိၣ်မဲ ပၢဆှၢပှၤကလုာ်ဃူဃူဒီးဒူဒူဆူတၢ်မၤနၢၤန့ၣ်လီၤ.

ခိၣ်နၢ်စဲၢ်နီၤတဖၣ်အံၤပနာ်လၢအိၣ်ဖျါထီၣ်သ့ဒၣ်ထဲလၢ ကညီဒီကလုာ်တၢ်အိၣ်ဖှိၣ်ဖးဒိၣ် (Karen National Congress) အတၢ်ဘၣ်သးဒီးအတၢ်ဃုထၢန့ၣ်လီၤ. ဘၣ်ဆၣ်လၢတၢ်အိၣ်သးတဖၣ် အဃိ အဘူး ကတၢၢ်ကမ့ၢ်၀ဲ (KNU Congress) အခါခိၣ်နၢ်အါဂၤအတၢ်ထံၣ်, အတၢ်ဘၣ်သးဒီး တၢ်ဃုထၢ န့ၣ်လီၤ. အဃိဒ်သိး ခိၣ်နၢ်လၢထး တဖၣ်ကအိၣ်ဖျါထီၣ်လၢပှၤ ဒီကလုာ်တၢ်ဘျုးအဂီၢ်ပထံၣ်ဒီး တူၢ်ခီၣ်ပာ်သးလၢ အမ့ၢ်ပှၤကလုာ်မူဒါဖးဒိၣ်လၢ မုၢ်မဆါတနံၤအံၤအတၢ်တၤပှၤ (Challenges ) တဖၣ်န့ၣ်လီၤ.

အဃိ ပအၢၣ်လီၤသးလၢတၢ်ကီတၢ်ခဲ, တၢ်ြတီမၤတံာ်တာ်မ့ၢ်အိၣ်ထဲလဲၣ်သနာ်က့လၢတၢ်အဲၣ်ပှၤ ကလုာ်ဒီး တၢ်ဆီၣ်လီၤသးအပူၤပကဂုာ်ကျဲးစၢးဟံးမူဒါ ဒီးမၤသကိးအီၤတုၤအကဲထီၣ်န့ၣ်လီၤ. လီၤဆီဒၣ် တၢ်ခိၣ် နၢ်သူၣ် က့သးပှၢ်လၢအလိၢ်ဘၣ်တၢ်လၢပမၤစၢၤသ့တဖၣ်ဒိၣ်မ့ၢ်ဂ့ၤဆံးမ့ၢ်ဂ့ၤ ပအိၣ်ကတဲာ်ကတီၤလၢ တၢ်ဟ့ၣ် လီၤသးန့ၣ်လီၤ.

အဃိဒီပုၢ်၀ဲၢ်မုၢ်ခွါသးဘိသ့ၣ်ဧၢ,

လၢသးဒီဖျၢၣ်ပကွဲမုာ်နၤ, နတၢ်တီခိၣ်ရိၣ်မဲ, နတၢ်ဆီၣ်ထွဲမၤသကိးဒီးတၢ်ဟ့ၣ်ကူၣ်ဟ့ၣ်ဖးလၢပှၤ ကလုာ်တၢ်မၤမူဒါအံၤန့ၣ်လီၤ.

ပဃူမးပပိှၤလီၤ.

၀ံသးစူၤဆဲးကျိးဘၣ်ဆူ -

န့ၢ်စိ (၂၇) ပဒဲထူ 

Phone - 081-8862173

Email: colsoesoe@yahoo.com

http://www.ksngkaren.org/2012/09/blog-post_21.html