ခီဖျိ ကီၢ်ပယီၤအသုး ခး၀ဲကျိဖးဒိၣ်လၢ တအိၣ်ဒီး တၢ်ဒိသူၣ်ဒိသးအဃိ ဖိသၣ်လၢ တၢ်ကမၣ်တအိၣ် တဖၣ်ဘၣ်သံ၀ဲ

ကခၠ့ၢ်ကီၢ်စဲၣ်, ဖၣ်ကၣ် အူရူၣ်ဆဲမီၣ်, မီၣ်၀ါမီၣ် န့ၣ် ကီၢ်ပယီၤအသုးလၢအအိၣ်ဖဲန့ၣ်တဖၣ် ဖဲ အီကူာ် ၁၃ သီအနံၤ မုၢ်ဃ့ၢ်လီၤ ၃း ၄၅ မံးနံးကၠိပျၢ်အဆၢကတီၢ် ဒီး မုၢ်ဟါလီၤ ၅း၃၀ မံးနံး အကတီၢ် ခးလီၤ ၀ဲ ကျိဖးဒိၣ်ဆူၣ် မီၣ်၀ါ က၀ီၤဒ့အပူၤ အဆၢတတဲာ်အဃိ ဘၣ်၀ဲ ကၠိဖိ ၇ ဂၤအဂ့ၢ်န့ၣ် ပသ့ၣ်ညါဘၣ် အီၤလီၤ.

ကတီၢ်အံၤ ကၠိဖိလၢ အဘၣ်ဒိး ၇ ဂၤအံၤအကျါ ၃ ဂၤဘၣ်တၢ်ဆှၢအီၤဆူတၢ်ဆါဟံၣ်၀ံၤ မ့မ့ၢ် တီၤဖုၣ် ကၠိ ကၠိဖိပိာ်ခွါဖိတဂၤ သံ၀ဲအဂ့ၢ် ပသ့ၣ်ညါဘၣ်အီၤလီၤ.