လါစဲးပထ့ဘၢၣ် ၂၄ သီအနံၤ ဃူဖိးကလုာ်ဒူၣ်ပၣ်တံၣ်မၤ၀ဲ တၢ်အိၣ်ဖှိၣ် ပှဲၤထီၣ် ၂၄ နံၣ်အမူးတချုး တုၤဒံးဘၣ်န့ၣ် ထံၣ်လိာ်အသးဒီး ပှၤဃုတၢ်ကစီၣ်ဖိတဖၣ်အဆၢကတီၢ် စံးဘၣ်၀ဲဒ်လၢအဖီခိၣ် အသိး န့ၣ်လီၤ.
“ ကလုာ်ဒူၣ်ဖီၣ်စုကဝဲၤတနီၤ ကတိၤတၢ်န့ၣ်ဒိကနၣ်အီၤလီၤတံၢ်လီၤဆဲးတက့ၢ်. ခိအိၣ်ကၣ် စံး၀ဲ န့ၣ် ထံကီၢ် ကီၢ်ခိၣ်အတၢ်မုာ်တၢ်ခုၣ်တၢ်မၤတဖၣ် တဖိးမံလိာ်အသးဘၣ်. မ့မ့ၢ်လၢ တလၢၤကီၢ်သီ နဲၣ်ဟၣ် သၣ်စံး၀ဲ အူအီၣ်မ့ တဲတၢ်ညီညီဖိလီၤန့ၣ်စံး၀ဲလီၤ. တၢ်သ့ၣ်တဖၣ်အံၤ တြကၢးတဲဘၣ် ဖဲလၢပသူၣ် ထီၣ်တၢ်မုာ်တၢ်ခုၣ်အကတီၢ်န့ၣ်လီၤန့ၣ်” ပဲာ်ဖးနီၤဖး၀ဲလီၤ.
ကခၠ့ၢ်ကီၢ်စဲၣ်ပူၤ တၢ်ဒုးလၢအကဲထီၣ်တဖၣ်စ့ၢ်ကီး ပဒိၣ်အတၢ်ထံၣ်လိာ်ဒီးခ့ၣ်အဲးအိၣ် ကခၠ့ၢ်တၢ်သ ဘျ့ကရၢ အတၢ်ထံၣ်လိာ်တၢၣ်ပီၣ်သကိးတဖၣ် တဒံးသိးလိာ်အသးအဃိ လၢကပတုာ်တၢ်ခး အဂီၢ် တၢ်ကီတၢ်ခဲအိၣ်၀ဲ,ဒ်သိး ကဒိးန့ၢ်ဘၣ်တၢ်သးလီၤပလိာ်တခါအဂီၢ် ြကၢးမၤ၀ဲဒၣ်အဂ့ၢ် ပၣ်တံၣ် အနဲၣ် ရွဲၢ်တဲအါထီၣ်ကဒီး၀ဲလီၤ.
လၢကလုာ်ဒူၣ်တဖၣ် အတၢ်ဂ့ၢ်ကီအံၤ မ့ၢ်အိၣ်မူမၤထွဲ၀ဲ ဖဲၣ်ဒရၢၣ်ကီၢ်စၢဖှိၣ်အကျဲသနူန့ၣ် တၢ်ဂ့ၢ်ကီ တဖၣ် ကဘၣ်လီၢ်ဘၣ်စး၀ဲအဂ့ၢ် ယိၤဒိၣ်ဒံၣ်မိၣ်ကရ့ၣ်စံၣ်၀ဲၤလီၢ်ခိၣ်သ့ၣ် ကရၢခိၣ် အူခိထိအူ စဲးပထ့ဘၢၣ် သၢနွံတနွံ တဲဘၣ်၀ဲဒၣ် ကီၢ်အမဲရံကၣ် တၢ်ကစီၣ်၀ဲလီၤန့ၣ်လီၤ.
ကီၢ်ပယီၤပူၤအံၤ ကလုာ်ဒူၣ်ဖီၣ်စုက၀ဲၤအိၣ်ဝဲ ၁၁ ဖု ဒီး ပှၤဖီၣ်စုက၀ဲၤ ၁၀ ဖုဒိးန့ၢ်ဘၣ်၀ဲ တၢ်ပတုာ် တၢ်ခး၀ံၤ ခ့ၣ်အဲးအိၣ် ဒီး ခ့ၣ်အဲးအ့ၣ် ထဲတဖုဧိၤ အိၣ်တ့ၢ်က့ၤ၀ဲဒၣ်အဂ့ၢ် လၢကီၢ်စၢဖှိၣ်တၢ်မုာ်တၢ်ခုၣ် တၢ်မၤကမံတံာ် အလံာ်ဘိးဘၣ်ရၤလီၤအပူၤ န့ၣ် ပသ့ၣ်ညါဘၣ်အီၤလီၤ.
Post a Comment