ခိၣ်နၢ်လၢအမံၤဟူသၣ်ဖျါ သုးခိၣ်ကျၢၢ် စီၤဘိၣ်မၠး အစုပူၤ ဒ်တၢ်ဂ့ၢ်တဖၣ်အံၤအသိးန့ၣ် ကဲထီၣ်အသးအိၣ်၀ဲဒၣ်လီၤ.
၂၀၀၃ နံၣ် တၢ်ပတုာ်တၢ်ခးလၢထးခိၣ် အိၣ်ဒီးတၢ်သးလီၤပလိာ်အံၤ တၢ်ထီဒါအီၤအကတီၢ် သုးဂ့ၢ်၀ီခိၣ်ကျၢၢ် ပှၤဟံးမူဒါလၢအမ့ၢ် သုးခိၣ်ကျၢၢ်ဒိၣ်စိ တၢ်မျၢ်ဘီ ခဲအံၤ ခ့ၣ်အဲၣ်ယူၣ် ကရၢခိၣ် တၢ်ထုးကွံာ်အီၤလၢ မူဒါအံၤန့ၣ် မုၢ်လၢ်၀ဲလီၤ.
“ ဖဲနံၣ်အ၀ဲနံၣ်ဘူးကလၢာ် တၢ်မၤ၀ဲ ခ့ၣ်အဲၣ်ယူၣ် လီၢ်ခၢၣ်သး ဂ့ၢ်ဂီၢ်အူတၢ်အိၣ်ဖှိၣ်အပူၤ တၢ်ဒီ သဒၢ၀ဲၤလီၢ် မူဒါခိၣ်လၢအမ့ၢ် သုးခိၣ်ကျၢၢ် စီၤဘိၣ်မၠးအံၤ ဆၢထၢၣ်၀ဲဒီး ကညီတၢ်ပၢၢ်ဆၢ တၢ်ကဲဘျုး, ခ့ၣ်အဲၣ်ယူၣ် တၢ်ကဲဘျုး, ကညီဒီတကလုာ်တၢ်ကဲဘျုးတဖၣ်အဂီၢ် သုးခိၣ်ကျၢၢ် ဒိၣ်စိ တၢ်မျၢ်ဘီ တၢ်ထုးထီၣ်ကံွာ်အီၤအံၤ တၢ်က့ၤမၤဟးဂီၤက့ၤန့ၣ် ဘိးဘၣ်လီၤ၀ဲန့ၣ်” ရှဲပၠးဝဲလီၤ.
၉ နံၣ်ယံာ်၀ဲ ခ့ၣ်အဲၣ်ယူၣ် အပူၤ သုးခိၣ်ကျၢၢ် တၢ်ထုးကွံာ်အီၤအံၤ ကဲထီၣ်စ့ၢ်ကီးဒံး၀ဲလီၤ. ခိၣ်နၢ်လၢ တၢ်ထုးကွံာ်အီၤလၢ မူဒါအပူၤ ၃ ဂၤမ့ၢ်၀ဲ , သုးခိၣ်ကျၢၢ် မူတူစ့ဖိ သုးဂ့ၢ်၀ီခိၣ်ကျၢၢ်, ပဒိၣ်ဒ့ဘ့းထီ လီၢ်ခၢၣ်သး စံၣ်ညီၣ်ပီတ့၀ဲၤလီၢ်မူဒါခိၣ်, ပဒိၣ်ရီကၠၢၣ်ခ့ၣ် ပှၤဂ့ၢ်၀ီဒီး တၢ်မၤစၢၤ ၀ဲၤလီၢ်မူဒါခိၣ် တဖၣ်လီၤ.
တၢ်ကဲထီၣ်အသးအံၤ လီၢ်ခၢၣ်သး တၢ်ဟ့ၣ်ခွဲးတပၣ်၀ဲဘၣ်ဒီး လဲၤအိးထီၣ်၀ဲ တၢ်ရ့လိာ်မုာ် လိာ်အ၀ဲၤဒၢးဖဲ ၀့ၢ်ဖၣ်အၣ် ခိၣ်နၢ်လၢအပၢဆှၢတၢ် တၢ်ဖီခိၣ် တဖၣ် ခ့ၣ်အဲၣ်ယူၣ် လီၢ်ခၢၣ် တလါအံၤ ၂ သီအနံၤန့ၣ်တၢ်ပတုာ်ကွံာ်က့ၤအီၤလၢ မူဒါတၢ်ဖံးတၢ်မၤအပူၤ အမဲာ်ညါ တၢ်ထုးကွံာ်စ့ၢ်ကီးအီၤလၢ ကရၢဖိအပူၤစ့ၢ်ကီးလီၤ.
ပှၤလၢတၢ်ထုးထီၣ်ကွံာ်အီၤတဖၣ် ဒ်သိးတၢ်ကရၢကရိပူၤ တၢ်ဃူတၢ်ဖိကအိၣ်၀ဲ, ဘၣ်သးမၤကဲထီၣ်က့ၤတၢ်တိာ်အိၣ်၀ဲအဃိ တၢ်ကစီၣ်တၢ်ဒုးသ့ၣ်ညါ မုၢ်ဘူၣ်အနံၤ ရးမတံ ခ့ၣ်အဲၣ်ယူၣ် တၢ်ရ့လိာ်မုာ်အ၀ဲၤဒၢးအပူၤတၢ်ကမၤအီၤလီၤ.
ဒ်န့ၣ်အသိး တၢ်ရဲၣ်တၢ်ကျဲၤ၀ဲအံၤ ဟးဂီၤကွံာ်၀ဲ၀ံၤ, ကညီကီၢ်စဲၣ် ဖၣ်အၣ် ကီၢ်ဆၣ်အပူၤ သုးဒဲက၀ီၤတခါ ခ့ၣ်အဲၣ်ယူၣ် လီၢ်ခၢၣ်သးခိၣ်နၢ်တနီၤဒီး တၢ်ထုးထီၣ်ကွံာ်အီၤတကပၤ ခၢၣ်စး ခံဂၤ တနံၤအံၤ ထံၣ်လိာ်အသး တစိၢ်တလီၢ်၀ံၤ ကဆဲးထံၣ်လိာ်တၢၣ်ပီၣ်သကိး၀ဲ ဒိးန့ၢ်ဘၣ်၀ဲ တၢ်ပာ်သးအဂ့ၢ် သုးခိၣ်ဖိတဂၤ စံး၀ဲလီၤ.
တနံၤအံၤတၢ်ထံၣ်လိာ်တၢၣ်ပီၣ်သကိး လီၢ်ခၢၣ်သးအသီလၢတၢ်တီၣ်ထီၣ်အီၤ ကညီဒီကလုာ် တၢ်ထူၣ်ဖျဲးသုးမုၢ်ဒိၣ် ခ့ၣ်အဲန်အဲလ်အ့ၣ် သုးဂ့ၢ်၀ီခိၣ်ကျၢၢ် သုးခိၣ်ကျၢၢ်ဖိ စီၤဘီကၠီၣ်ဟဲ ပၢဆှၢ၀ဲ ဒီးဟဲထီၣ်၀ဲလီၤ. ပှၤလၢတၢ်ထုးထီၣ်ကွံာ်အီၤတကပၤ ဘျံးဒ၀ဲၢ် ကီၢ်ရ့ၣ်ခိၣ် ပဒိၣ်ကွဲၤထူ၀့, ပဒိၣ်ထူထူလ့ တဖၣ်ဟဲထီၣ်စ့ၢ်ကီး၀ဲလီၤ.
အပူၤကွံာ်အသီအတီၢ်ပူၤ တၢ်ဂ့ၢ်ဟဲကဲထီၣ်၀ဲလၢ တၢ်ထုးကွံာ်ကဲထီၣ်လၢ တၢ်ကရၢကရိအပူၤ ပှၤလၢ အတူၢ်လိာ်ဒီးပှၤလၢတတူၢ်လိာ်တဖၣ်အဘၢၣ်စၢၤ တၢ်ဖ့ၣ်ဆၢအိၣ်ထီၣ်အဃိ တလါအံၤ ၈ သီ ခ့ၣ်အဲၣ်ယူၣ် လီၢ်ခၢၣ်သးကမံးတံာ် ကမၤ၀ဲတၢ်အိၣ်ဖှိၣ်ဒီး ၁၅ ၀ီတ၀ီ ခီကရဲးအံၤ တကဲထီၣ်လၢၤဘၣ်ဒီးတၢ်ပတုာ်ဃာ်က့ၤအီၤလီၤ.
တၢ်ကစီၣ်လၢ ပဒိးန့ၢ်ဘၣ်အီၤလၢခံကတၢၢ်တခီ တၢ်ထံၣ်လိာ်တၢၣ်ပီၣ်အမူးပူၤ လီၢ်ခၢၣ်သးက မံးတံာ်တၢ်ဖိှၣ် ၁၅ ၀ီတ၀ီ ခ့ၣ်အဲၣ်ယူၣ် ခီကရဲးအံၤ စှၤသီအတီၢ်ပူၤ တၢ်ကဆဲးထီၣ်အီၤန့ၣ် ပသ့ၣ်ညါဘၣ်အီၤလီၤ.
ပှၤလၢတၢ်ထုးထီၣ်ကွံာ်အီၤတဖၣ်စ့ၢ်ကီး ကထီၣ်၀ဲ တၢ်အိၣ်ဖှိၣ်အဂ့ၢ် ခ့ၣ်အဲၣ်ယူၣ် အပတီၢ်ထီ တဂၤ စံး၀ဲဒၣ်လီၤ. ဒီးတၢ်တၢၣ်ပီၣ်အမူးတၢ်ကဆဲးထီၣ်အီၤတခီ ကမ့ၢ်၀ဲဖဲ သုးက့ ၇ ဟီၣ်က၀ီၤ လ့၀ါ သုးဒဲက၀ီၤတခါအပူၤန့ၣ် ပသ့ၣ်ညါဘၣ်အီၤလီၤ.
တနံၤအံၤတၢ်ထံၣ်လိာ်တၢၣ်ပီၣ်သကိး လီၢ်ခၢၣ်သးအသီလၢတၢ်တီၣ်ထီၣ်အီၤ ကညီဒီကလုာ် တၢ်ထူၣ်ဖျဲးသုးမုၢ်ဒိၣ် ခ့ၣ်အဲန်အဲလ်အ့ၣ် သုးဂ့ၢ်၀ီခိၣ်ကျၢၢ် သုးခိၣ်ကျၢၢ်ဖိ စီၤဘီကၠီၣ်ဟဲ ပၢဆှၢ၀ဲ ဒီးဟဲထီၣ်၀ဲလီၤ. ပှၤလၢတၢ်ထုးထီၣ်ကွံာ်အီၤတကပၤ ဘျံးဒ၀ဲၢ် ကီၢ်ရ့ၣ်ခိၣ် ပဒိၣ်ကွဲၤထူ၀့, ပဒိၣ်ထူထူလ့ တဖၣ်ဟဲထီၣ်စ့ၢ်ကီး၀ဲလီၤ.
အပူၤကွံာ်အသီအတီၢ်ပူၤ တၢ်ဂ့ၢ်ဟဲကဲထီၣ်၀ဲလၢ တၢ်ထုးကွံာ်ကဲထီၣ်လၢ တၢ်ကရၢကရိအပူၤ ပှၤလၢ အတူၢ်လိာ်ဒီးပှၤလၢတတူၢ်လိာ်တဖၣ်အဘၢၣ်စၢၤ တၢ်ဖ့ၣ်ဆၢအိၣ်ထီၣ်အဃိ တလါအံၤ ၈ သီ ခ့ၣ်အဲၣ်ယူၣ် လီၢ်ခၢၣ်သးကမံးတံာ် ကမၤ၀ဲတၢ်အိၣ်ဖှိၣ်ဒီး ၁၅ ၀ီတ၀ီ ခီကရဲးအံၤ တကဲထီၣ်လၢၤဘၣ်ဒီးတၢ်ပတုာ်ဃာ်က့ၤအီၤလီၤ.
တၢ်ကစီၣ်လၢ ပဒိးန့ၢ်ဘၣ်အီၤလၢခံကတၢၢ်တခီ တၢ်ထံၣ်လိာ်တၢၣ်ပီၣ်အမူးပူၤ လီၢ်ခၢၣ်သးက မံးတံာ်တၢ်ဖိှၣ် ၁၅ ၀ီတ၀ီ ခ့ၣ်အဲၣ်ယူၣ် ခီကရဲးအံၤ စှၤသီအတီၢ်ပူၤ တၢ်ကဆဲးထီၣ်အီၤန့ၣ် ပသ့ၣ်ညါဘၣ်အီၤလီၤ.
ပှၤလၢတၢ်ထုးထီၣ်ကွံာ်အီၤတဖၣ်စ့ၢ်ကီး ကထီၣ်၀ဲ တၢ်အိၣ်ဖှိၣ်အဂ့ၢ် ခ့ၣ်အဲၣ်ယူၣ် အပတီၢ်ထီ တဂၤ စံး၀ဲဒၣ်လီၤ. ဒီးတၢ်တၢၣ်ပီၣ်အမူးတၢ်ကဆဲးထီၣ်အီၤတခီ ကမ့ၢ်၀ဲဖဲ သုးက့ ၇ ဟီၣ်က၀ီၤ လ့၀ါ သုးဒဲက၀ီၤတခါအပူၤန့ၣ် ပသ့ၣ်ညါဘၣ်အီၤလီၤ.
Post a Comment