 |
| KNU သုးခိၣ်ကျၢၢ် မူတူစ့ဖိ |
အခဲအံၤ တၢ်ထုးကွံာ်အီၤန့ၣ် မ့ၢ်တစိၢ်တလီၢ်ဧါ, အနီၢ်နီၢ်ဧါန့ၣ် တစံးဆၢ၀ဲဘၣ်ဒီး စံး၀ဲလၢ သံကွၢ်လၢ ခိၣ်နၢ်တဖၣ်အဂ့ၢ်န့ၣ် တဲ၀ဲလီၤ.
မူဒါလၢအဒိၣ်ဒ်အံၤ မ့ၢ်မတၤကဟံးက့ၤလဲၣ်န့ၣ် တၢ်တသ့ၣ်ညါအီၤဘၣ်အသိး ခ့ၣ်အဲၣ်ယူၣ် စ့ၢ်ကီး ကဘိးဘၣ်ရၤလီၤ၀ဲလၢ အဖိးမံဒီးသဲစးစ့ၢ်ကီးန့ၣ်တအိၣ်၀ဲဘၣ်န့ၣ်လီၤ.
ပှၤလၢတၢ်ထုးကွံာ်အမူအဒါသၢဂၤအကျါ သုးခိၣ်ကျၢၢ် မူတူစ့ဖိအံၤ လဲၤတုၤ၀ဲလၢ ၀့ၢ်တကူၣ်လံ အိၣ်တ့ၢ် ၂ ဂၤတခီ ဟဲက့ၤတုၤ၀ဲလၢ လီၢ်ခၢၣ်သးလံန့ၣ် စံး၀ဲလီၤ .
သုးခိၣ်ကျၢၢ် မူတူစ့ဖိလၢ အလဲၤတုၤလၢ ၀့ၢ်တကူၣ်အံၤ လၢဂီၤခီလံၤလံၤန့ၣ် ဘၣ်ထွဲတၢ်ကစီၣ် အံၤ သ့ၣ်ညါ၀ဲလံအဃိ မ့ၢ်ဟဲက့ၤလၢ ၀့ၢ်တကူၣ်မ့ၢ်၀ံၤဒီး ကဘှါရှဲ၀ဲအဂ့ၢ် စံး၀ဲလီၤ.
အနံၣ် ၆၀ ဘျဲၣ် ပှၤတ့ၢ်စုကဝဲၤ ခ့ၣ်အဲၣ်ယူၣ် အံၤ ဖဲတနံၣ်အံၤန့ၣ် မၤတၢ်ပတုာ်တၢ်ခးဒီး ပဒိၣ်အဆိ ကတၢၢ်တဘျီအိၣ်ဒီးတၢ်ဘၣ်သးန့ၣ်လီၤ. ခ့ၣ်အဲၣ်ယူၣ်လၢ တၢ်ဖီခိၣ်တဖၣ် ဒံၣ်၀ံၣ်ဘံၣ် ဆဲးကျိးသံကွၢ် ၀ဲအဖၢမုၢ်န့ၣ် စိာ်ခီတဲပၠးအီၤလီၤ.
ကညီဒီကလုာ်စၢဖှိၣ်ကရၢ အတၢ်မၤအံၤ သုးခိၣ်ကျၢၢ်မူတူစ့ဖိ ပၢဆှၢ၀ဲ လီၢ်ခၢၣ်သးကရၢ လဲၤအိး ထီၣ်၀ဲ တၢ်ရ့လိာ်မုာ်လိာ်အ၀ဲၤဒၢး ဖဲ ဖၣ်အၣ်န့ၣ် တမ့ၢ်၀ဲ လီၢ်ခၢၣ်သးပတီၢ်ဘၣ်န့ၣ် ခ့ၣ်အဲၣ်ယူၣ် ဘိးဘၣ်ရၤလီၤ၀ံၤအလီၢ်ခံ ကဟံးဂ့ၢ်၀ီ၀ဲအဂ့ၢ်န့ၣ် လီၤ.
ခ့ၣ်အဲၣ်ယူၣ် အသးသမူအပူၤ တၢ်တဘျီအံၤ ဘၣ်ထွဲ တၢ်ထုးကွံာ်မူဒါဒ်အံၤန့ၣ်မ့ၢ်၀ဲ အဆိကတၢၢ်၀ံၤ မ့ၢ်၀ဲ ခိၣ်နၢ်လၢအလီၢ်လးထီတဂၤ အလီၢ်ခံ တၢ်ထုးကွံာ်ဒီး ဒုးအိၣ်ဘှံးက့ၤအီၤန့ၣ်လီၤ.
Post a Comment