တနံၤအံၤ မုၢ်ဘူၣ်အနံၤ ဘၣ်တၢ်ဆၢတဲာ်လီၤအီၤ လၢ စံၣ်ညီၣ်ပီတ့အ၀ဲၤဒၢး၀ံၤ Mr. Mubarak အံၤ ဘၣ်တၢ်ဆှၢအီၤလၢ Tora အဃိာ်ပူၤန့ၣ်လီၤ. ကီၢ်စဲၣ်ပူၤ ကိတိာ်လီၢ်လံၤ Habib al Adly စ့ၢ်ကီး ဘၣ်တၢ်ပျဲပူၤဖျဲးအီၤလၢ လီၤဘၣ်သံသနာ်က့ မ့မ့ၢ်လၢ ပၢၤကီၢ် ၆ ဂၤတခီ တၢ်တပျဲပူၤအီၤလၢ တၢ်သံအံၤ ဘၣ်.
တနံၤအံၤ မုၢ်ဘူၣ်အနံၤ စံၣ်ညီၣ်ပီတ့ လိာ်ဘၢလိာ်ကွၢ်၀ဲ ဒီးဆၢတဲာ်လီၤ၀ဲ ကီၢ်ခိၣ်လီၢ်လံၤအဖိ ခွါ ခံဂၤလၢအမ့ၢ် Alaa ဒီး Gamal စ့ၢ်ကီးတၢ်ပျဲပူၤအီၤလၢ လီၤဘၣ်သံန့ၣ်လီၤ. စံၣ်ညီၣ်ပီတ့ဆၢတဲာ် လီၤ၀ဲ၀ံၤအလီၢ်ခံ ကဲရိ၀့ၢ်ပူၤ ကမျၢၢ်တဖၣ် ပာ်ဖှိၣ်ထီၣ်အသးဒီး အါတက့ၢ် မဲာ်သၣ်တမုာ်ဒီးဖျါလၢ သးဒိၣ်ထီၣ်တၢ်တဖၣ်လီၤ.
ထံကီၢ်အံၤ ကီၢ်ခိၣ်လီၢ်လံၤ ပၢ၀ဲအနံၣ်တဖၣ်အနံၣ်အံၤ ဆၢတဲာ်လီၤ၀ဲတၢ်ကမၣ်တဖၣ်လၢ တၢ်လံၣ်တၢ်လီတဖၣ်လီၤ. အံၣ်ကၠံၣ် ကီၢ်ခိၣ်လီၢ်လံၤ မူဘါရဲၣ် အံၤ လၢထံဖိကီၢ်ဖိတၢ်ပူထီၣ်လီထီၣ် အဃိ ဘၣ်စံၣ်လီၤကွံာ်၀ဲလၢအလီၢ်အလးအံၤ မ့ၢ်၀ဲအဆိကတၢၢ်တဂၤလီၤ.
Post a Comment