တၢ်အီၣ်၀ဲ ပှၤကညီအညၣ် ဆဲးအိၣ်ဒံးလၢ ကီၢ်အမဲရံကၣ်

မ့ရလါ ကီၢ်စဲၣ်အပူၤ ဘီတံမိ၀့ၢ် က့ညၣ်အထံဖိကီၢ်ဖိလၢ အထီၣ်၀ဲ ကၠိဖဲ Morgan State University လၢအမ့ၢ် Alex Kinyua သးနံၣ်အိၣ်၀ဲ ၂၁ နံၣ်ဒီးအသကိး ၃၇ နံၣ်တဂၤလၢအမ့ၢ် Kujoe Bonsafo Agyei-Kodie အံၤဘၣ်တၢ်မၤသံအီၤ တၢ်ထုးထီၣ်ကွံာ်၀ဲအသးဒီး အခိၣ်နူာ်တဖၣ် အီၣ်ကွံာ်၀ဲအဂ့ၢ် အ့ထၢနဲးတၢ်ကစီၣ် Fox ကွဲၤဟူဖျါပာ်ဖျါထီၣ်၀ဲဒၣ်လီၤ.

Kujoe Bonsafo Agyei-Kodie အိၣ်ဖျဲၣ်ထီၣ်လၢ ကီၢ် ဂါနၣ်၀ံၤ ထီၣ်၀ဲဖၠၣ်စိမိၤဖဲ ၂၀၀၈ နံၣ်န့ၣ် ဒိးန့ၢ်၀ဲ ၀ံၣ်ဇၣ် ခိၣ်သလုး၀ံၤ အဲလဲၣ်စ် ကံနဲယူ တခီ တနံၣ်အံၤ မ့ၢ်၀ဲ ကၠူနံယၢၢ် ကၠိဖိတဂၤလီၤ. Morgan State University အံၤ အါတက့ၢ်မ့ၢ်ပှၤသူဖံးဖိတဖၣ် ထီၣ်မၤလိတၢ်လၢ ဖၠၣ်စိမိၤအံၤ လီၤ.

ကံနဲယူၣ် အ၀ဲၢ်တခီ အပုၢ်အဒၢးပူၤ ကူကၠိၣ်ဘွီဆါဖိ အက့ၢ်အဂီၤလၢ အအိၣ်တ့ၢ်က့ၤ တက့တခီတဖၣ် ထံၣ်၀ဲ၀ံၤ အပၢ်လဲၤတၢၣ်၀ဲလၢ ပၢၤကီၢ်န့ၣ်လီၤ. ကူကၠိၣ်ဘွါဆါဖိ အပၢ်တခီ လဲၤတၢၣ်ဃာ်၀ဲဒီးပၢၤကီၢ်လၢ မုၢ်ယူာ်အနံၤ၀ံၤ ဖဲ မုၢ်ဖီဖးအနံၤန့ၣ် အဖိခါွဒၣ်လဲာ် တၢ်မၤသံအီၤ သ့အဂ့ၢ် ပှၤလၢ အသ့ၣ်ညါ၀ဲ တၢ်သံတၢ်မူးတၢ်ရၢ်တဂၤ တယာ်၀ဲဒၣ်န့ၣ်လီၤ. တနွံအတီၢ်ပူၤ ကီၢ်အမဲရံကၣ်အံၤ ဘၣ်ထွဲဒီး တၢ်အီၣ်၀ဲပှၤကညီအညၣ်ဒ်အံၤမ့ၢ်၀ဲ ခံဘျီတဘျီန့ၣ်လီၤ.

ကံနဲၣ်ယူၣ် အသကိးတခီ ဘၣ်တၢ်တီၢ်အီၤလၢ ဘ့ၣ်စ်ဘီ အနီၣ်က့၀ံၤ အစုအခီၣ်တဖၣ် ဘၣ်တၢ် ဒီၣ်တဲာ်ကွံာ်အီၤလၢ ဃဲာ်၀ံၤ အီၣ်၀ဲအဂ့ၢ် ကွဲးဖျါထီၣ်၀ဲလၢ အ Facebook အပူၤန့ၣ်လီၤ. ပှၤလၢ အမၤသံ၀ဲ ကံနဲယူၣ် တဂၤ ပၢၤကီၢ်တဖၣ် ဖီၣ်ချုးအီၤဖဲ မ့ရံလၣ် ကီၢ်စဲၣ် ကၠီၣ်ပါတီ၀့ၢ်၀ံၤ အက့ၢ် အဂီၤလၢ အအိၣ်တ့ၢ်တဖၣ် လဲၤထၢနုာ်၀ဲလၢ တၢ်တဃာ်ဒၢအပူၤန့ၣ်လီၤ.