မဟါတနံၤ မ့ၢ်၀ဲ ဖိၣ်အီၣ်ဖူလဲအမုၢ်နံၤ လါယူၤလံ ၄ သီ မ့ၢ်၀ဲ ကီၢ်အမဲရံကၣ် တၢ်သ သ ဘျ့အမုၢ်နံၤန့ၣ် လၢ၀့ၢ်ပူၤဖီကရၢၢ် ဟံၣ်ဖိဃီဖိခံဒူၣ်အိၣ်ဘှံးအကတီၢ် အဖိသၢဂၤလီၤဘျၢ သံလၢထံအဂ့ၢ် ပဒိးန့ၢ်ဘၣ်တၢ်ကစီၣ်လီၤ. Iowa ကီၢ်ဆၣ် Marshalltown အ၀့ၢ် River View ဖီကရၢၢ် ပှၤကီၢ်ပယီၤဖိလၢအဟဲသုးလီၢ်သုးကျဲ လၢအမ့ၢ် ကရ့ၣ်နံၣ်ဟံၣ်ဖိဃီဖိ ၂ ဒူၣ်အံၤ နံၤသဘျ့အကတီၢ်လဲၤတခွဲအီၣ်ညၣ်, လဲၤခိထံအကတီၢ် ဖိသၣ် ၁၁ နံၣ်ဒီး ၉ နံၣ်အရွဲၢ် ဖိသၣ် ၃ဂၤမုၢ်ဃ့ၢ်လီၤ ၅ နၣ်ရံၣ်အကတီၢ် လီၤဘျၢ၀ဲလၢ ထံဒီး သံ၀ဲအဂ့ၢ် ပသ့ၣ်ညါဘၣ်အီၤလီၤ.
၀့ၢ်ပူၤ ပှၤမၤသံမ့ၣ်အူဒီး ပၢၤကီၢ်တဖၣ် သၢနၣ်ရံၣ်အကတီၢ် ဟဲဃုကွၢ်၀ဲဒီး ဃိးနၣ်ရံၣ်ဘျဲၣ် န့ၣ် လဲၤထုးထီၣ်န့ၢ်၀ဲ အဆိၣ်အဂ့ၢ်စံး၀ဲလီၤ. Iowa River အံၤ တၢ်ကူထံ, လုၢ်ထံ တဖၣ် တဘၣ်မၤတဂ့ၤအဂီၢ် ဘိးဘၣ်ရၤလီၤတ့ၢ်၀ဲအဂ့ၢ် အပူၤကွံာ် လါယူၤ ၁၈ သီနံၤ စ့ၢ်ကီး သးစၢ်တဂၤ လီၤအုးသံလၢထံန့ၣ်ပသ့ၣ်ညါဘၣ်အီၤလီၤ. ထံကျိအ၀ဲအံၤ အယိာ်အိၣ်၀ဲ အပျၢ် ၁၀ ဘျဲၣ်အဂ့ၢ်န့ၣ် ပသ့ၣ်ညါဘၣ်အီၤလီၤ.
အပၢ် ခိရ့ၣ်ဒီး အမိၢ်မ့ၢ်၀ဲ တ့ၤမိ တဖၣ် အဖိလၢအမ့ၢ် ဖိခွါ ဆံရ့ ၁၁ နံၣ်, ဖိမုၣ် လံမ့ၤ ၉ နံၣ်ဒီး အပၢ် ဒီးဆံရ့ဒီး အမိၢ်လၢတၢ်တသ့ၣ်ညါအမံၤ အဖိမုၣ် တ့ၣ်မိ ၉ နံၣ်ံၤ သံ၀ဲလၢသတူၢ်ကလာ် လီၤ. အမိၢ်ပၢ်တဖၣ် စံး၀ဲလၢတကူထံလၢၤဘၣ်ဒီး ကက့ၤ၀ဲအဂ့ၢ် ဘၣ်ဆၣ်အဖိတဖၣ် အဲၣ်ဒိး ကူဘၣ်သးလၢခံကတၢၢ်တဘျီအဃိ လီၤဘျၢသံ၀ဲလၢထံအဂ့ၢ် ပသ့ၣ်ညါဘၣ်အီၤလီၤ. လၢခံ ပှၤမၤသံမ့ၣ်အူဖိဒီးပၢၤကီၢ်တဖၣ် ဟးဃု၀ဲဒီးကဘီယူၤအဃိ ထံ၀ဲဖိသၣ်အံၤ အဆိၣ်န့ၣ်လီၤ.
အမိၢ်အပၢ်လၢ အအိၣ်တ့ၢ်တဖၣ်အံၤ မၤ၀ဲတၢ်လၢ JBS စဲးဖီကဟၣ်တၢ်မၤလီၢ်မ့ၢ်၀ဲ ပှၤမၤတၢ် ဖိလၢအလူၤန့ၢ်အီၤတၢ်ဂ့ၢ် ကိၣ်ခ့ၣ်မိၣ်အ့ တခီ စံးဘၣ်၀ဲ ကညီတၢ်ကစီၣ်သဘျ့လၢ ခီပနံၣ်ဒိး လီၢ်က၀ီၤ ကီၢ်ပယီၤဟံၣ်ဖိဃီဖိတဖၣ် ပာ်ဖှိၣ်ထီၣ်အသး၀ံၤ တၢ်သူတၢ်စွဲတၢ်လၢာ်ဘူၣ်လၢၤစ့ၤ ဒီးကျိၣ်စ့လၢအလၢာ်တဖၣ် ကမၤစၢၤသကိး၀ဲအဂ့ၢ်ဒီး လီတဲစိအနီၢ်ဂံၢ်လၢ နဆဲးကျိးသ့ (203) 589-5065 အဂ့ၢ် ဒီး လၢ၀့ၢ်၀ဲအံၤအပူၤ ကီၢ်ပယီၤကလုာ်ဒူၣ်လၢ အဟဲနုာ်လီၤအိၣ် တဖၣ်မ့ၢ်၀ဲ ကရ့ၣ်နံၣ်, ကညီ, ခၠီ, ကခၠ့ၢ်, ရခၢၣ်ဒီး ကလုာ်ဒူၣ်နီၣ်ဂံၢ်အိၣ်၀ဲ ၅၀၀ ဃၣ်ဃၣ်လီၤ.
Post a Comment