အပူၤကွံာ် လါ မၤရှး၂၀၁၂ နံၣ်အပူၤယၤ ဒီး ယ သကိးသၢ ဂၤယ လဲၤ လီၤ လၢဘံ လ့ ကီၢ် ဆၣ် ဒူ သထူၣ် ကီၢ် ရ့ၣ် အပူၤ လၢ က လဲၤ ဒီး ဃု သ့ၣ် ညါ ဒူ ဖိ သ ၀ီ ဖိ အ တၢ် အိၣ် သး ဘၣ် ဃး တၢ် ခူၣ် လၢၢ် အဲၣ် တံၣ် မိၣ် နံၣ် (လၢၢ် တ့ၣ်လ့ၣ်) ဖဲမီၢ် လူၣ် ကစၢၢ် ,လၢ အဘူး ဒီး ထံ ဆံၣ် ဘီ သ၀ီ ဖဲဘံ လ့ ကီၢ် ဆၣ် ,ဒူ သ ထူၣ် ကီၢ် ရ့ၣ် ဒီးဘု သိၣ် ကီၢ် ဆၣ် ,မုၢ် ြတီၤ ကီၢ် ရ့ၣ် အ ဆၢ န့ ၣ် လီၤ.ယ တၢ် လဲၤ တ ဘီျ အံၤ တံာ် တာ် ၀ဲ ဒၣ် ခံ နွံ ဒီးယ ထံၣ် တၢ် လၢ အ မၤ တ မုာ် ယ သး အိၣ် အါ မံၤ အ သိး ယ မၤ လိ န့ၢ် စ့ၢ် ကီးတၢ် အါ န့ၣ် လီၤ.
သ၀ီ အ ဆိက တၢၢ် တ ဖျၢၣ် လၢယ လဲၤ ဟး န့ၣ်မ့ၢ် ၀ဲ ဒၣ် သ၀ီ ထံ ဆံၣ် ဘီန့ၣ် လီၤ. သ ၀ီတဖျၢၣ် အံၤ အက ပၤ အိၣ် ဒီး ထံ ကိျ ဖိ တ ဘိ လၢ အမ့ၢ် ထံ ဆံၣ် ဘီ ကိျလၢသ၀ီ ဖိ တဖၣ် သူ၀ဲဒၣ် လၢတၢ်သူၣ် အီၣ် ဖျး အီၣ် ,စံာ် ,ဒီး သ ၀ီ ဖိ တဖၣ် သူ စ့ၢ် ကီး ထံ ကိျ အံၤ လၢက အီၣ် က အီဒီး တၢ် သူၣ် တၢ် ဖျး လၢဟံၣ် က ရၢၢ် ပူၤ န့ၣ် လီၤ.
ဘၣ် ဆၣ် ထံ ဆံၣ် ဘ ီကိျ အံၤသ ၀ီ ဖိ တဖၣ် အီ က့ၤ ၀ဲ တ ဘူၣ် လၢၤ ဘၣ်.သ ၀ီ ဖိ တဖၣ် ဘၣ်ခူၣ် က့ၤ ထံ ပူၤ လၢ သ၀ီ ဖိပူၤ လၢ က သူ ၀ဲ ဒၣ် လၢ ဟံ ၣ် ဃီ တၢ် လိၣ် အဂီၢ် န့ၣ် လီၤ.ဖဲ တၢ် စူၤ ခါ ဆၢ ကတီၢ်ထံ ပူၤ လၢ အ အိၣ် ပူၤထံကိျ တဖၣ်ဒု ထီၣ် ၀ဲဒၣ် ဒိၣ် မး အဃိ ထံ ပူၤ အိၣ် က့ၤ ဒၣ် စှၤ ဖျၢၣ် လၢသ၀ီ ဖိ တဖၣ် က သူ ၀ဲ ဒၣ် အဂီၢ် န့ၣ် လီၤ.
တၢ် ဂ့ၢ် ခိၣ် သ့ၣ် လၢဒူ ဖိသ၀ီ ဖိ တဖၣ် သူ က့ၤ ၀ဲထံ ကိျ အံၤ တဘူၣ် လၢၤ ဘၣ်န့ၣ်ခ ီဖိျတၢ် ခူၣ် လၢၢ် အဲၣ် တံၣ် မိၣ် နံၣ်(လၢၢ် တ့ၣ် လ့ၣ်) ဖဲမီၢ် လူၢ် ကစၢၢ် အံၤ အဃိ န့ၣ် လီၤ.ဟီၣ် ခိၣ် က ပံာ် ဘၣ် အၢ ဘၣ် သီဒီးတ ကး ဘၣ်လၢၢ် အ စုၣ်အ ပျၢ် လၢအဟဲ လီၤ လၢတၢ် ခူၣ် လၢၢ် အံၤ တဖၣ် ဖဲ တၢ်စူၤခါ ဆၢ ကတီၢ် ယွၤ လီၤ ၀ဲ ဒၣ်ထံ ဆံၣ် ဘီ ကိျ ပူၤအ ဃိထံ ကိျ ဒီတ ဘိ အံၤသ ၀ီ ဖိ တဖၣ် သူ က့ၤ ၀ဲ တသ့ လၢၤ ဘၣ် န့ၣ် လီၤ.
တၢ် မ့ၢ် ခူၣ် ဒံး လၢ ၢ်အံၤ ထီ ဘိ ဒုပ၀ဲ ထံ ဆံၣ် ဘီ သ၀ီ ဖိ တဖၣ် ခါ ဆူ ညါ ပသူ က့ၤ ထံတ မ့ၢ် က အိၣ် လၢၤ ဘၣ်သ၀ီ ဖိ လၢ ထံ ဆံၣ် ဘီ သ ၀ီ တဖၣ် ပာ်ဖျါ ထီၣ် ၀ဲ ဒၣ် လီၤ.
အါ န့ၢ် အမဲာ် ညါ သ ၀ီ ဖိ လၢ အ သူ ဘၣ် အီ ဘၣ် ထံလၢ ထံ ဆံၣ် ဘီ ကျိ အံၤဒိး န့ၢ် ဘၣ် တၢ် ဆူး တၢ် ဆါအါ မံၤ လၢတၢ် တသ့ၣ် ညါ အဂ့ၢ် အကျိၤ လီၤတံၢ် လီၤဆဲး ဘၣ်. ဒူဖိသ၀ီဖိ လၢ အအီ ဘၣ် ,လုၣ် ဘၣ် ဒီး စူး ကါဘၣ်ထံ ဆံၣ် ဘီ ကျိတဖၣ် အ ဘ့ၣ် သး,ဘ့ၣ်ထီၣ် ဂီၤ,မဲာ် ခံး သူ, ဘှီး,ထူၣ်ပျၢ် ဒီး ဃံကဘုး, အ့ၣ် ဆါလီၤလၢအသွံၣ်,ကိာ် ယူၢ် ပူၤ ဆါဒီး ကသါ ကီခဲ တဖၣ်အိၣ် ထီၣ် ၀ဲ ဒၣ် န့ၣ် လီၤ.
တ ကး ဘၣ် ကျီၢ် ပနၢ် တဖၣ် သံ လၢ အီ ဘၣ် ထံ အံၤ အဃိသံ ကွံာ် ၀ဲ ဒၣ် အါမး ,ညၣ်လၢ တၢ် မၤ န့ၢ် အီၤ လၢထံ ကိျ တ ဘိ အံၤ အပူၤအါ တက့ၢ်အိၣ် ဒီး အပူၤ လီၢ်ဒီး သ ၀ီဖိတဖၣ် အီ ၣ် က့ၤ ၀ဲ တ ဘူၣ် လၢၤ ဘၣ်. တၢ် ပ နီၣ် လၢ အဟဲ အိၣ် ဖျါ တဖၣ် အံၤတၢ် မၤ ကွၢ် အီၤ လၢ စဲ အ့ၣ် တၢ် သ့ တၢ် ဘၣ် မ့ၢ် တအိၣ် ဒံး လၢ ထံ ကျိ အံၤ အိၣ် ဒီး အဲၣ် တံၣ် မိၣ် နံၣ် အစုၣ် အပျၢ် ဘၣ် ဆၣ်သ နာ် က့တၢ် ဆါတၢ် ပနီၣ် လၢ အအိၣ် ဖျါ ထီၣ် ဒီးသ ၀ီ ဖိ တဖၣ် ဘၣ် ကွၢ် ဆၢၣ် မဲာ် ၀ဲ ဒၣ် အံၤ မ့ၢ် ၀ဲ ဒၣ် အဲၣ် တံၣ် မိၣ် နံၣ် အစုၣ် အပျၢ် အတၢ် ပနီၣ်တဖၣ် န့ၣ် လီၤ.
သ ရၣ် မုၣ် လး လး လၢ ထံ ဆံၣ် ဘီ သ၀ီ တဂၤဖဲ ၂၀၁၁ နံၣ် တၢ် စူၤ ခါ ဆၢ ကတီၢ်အ၀ဲလဲၤ ဆူ အ နံၣ် သိ ကီျး လၢ က မၤ တၢ်အ ဂီၢ် န့ၣ် လီၤ. အ၀ဲ မၤ တၢ် ဒီတဂီၤဒီး ထံ ခီျမံ ဒၢ လၢ အ၀ဲ လဲၤ စိာ် ၀ဲ အံၤအီ ၀ဲဒၣ် လၢာ် အဃိတၢ် သး သူ အသး လၢ ထံ ဒိၣ် မး န့ၣ် လီၤ.အ၀ဲ လဲၤ လၢ ထံ ကိျ အံၤ ဒီး ဒၢ ထီၣ် ၀ဲ ဒၣ်ထံလၢစ ဖရဲး ဒၢ ပူၤ ဒီး ပာ်လီၤ ဒး ၀ဲ ဒၣ်ထံဒု တဖၣ် န့ၣ် လီၤ. ဖဲ ထံ ဒုအံၤ ဟဲ ဖျါ က ဆှီထီၣ် ဒီး အ၀ဲ အီ ၀ဲ ဒၣ် ထံ အံၤ န့ၣ် လီၤ. အ၀ဲ အိၣ် ၀ဲ ၂နၣ် ရံၣ် ၀ံၤ အလီၢ် ခံအ ခိၣ်မူၤ ထီၣ်,ဒီး ဘီှး လီၤ လၢ အသွံၣ် န့ၣ် လီၤ. တကးဘၣ် အဟၢ ဖၢဆါ ၀ံာ် တ ကံ တုၤ ဒၣ် လဲာ် ကီၤ ၀ဲ တကဲ ဘၣ် ဒီး အ့ၣ် ဆါ လီၤ လၢ အသွံၣ် န့ၣ် လီၤ. အ၀ဲ လဲၤ ထီၣ် တၢ် ဆါ ဟံၣ် လၢဖၣ် ပူၣ် ဒီး က သံၣ် သ ရၣ် စံး ၀ဲပှၤ ဆါ အံၤ ဟဲ မ့ၢ် စဲၤ ခံ ၂နၣ် ရံၣ် န့ၣ်တ မ့ၢ် လၢ တၢ် လူၤ အသး သ မူ က ချုးလၢၤ ဘၣ်.
ဒူ သ၀ီ ဖိ သး ပှၢ်တ ဂၤ ဟဲ ဆူ ယ အိၣ် ဒီး ပာ်ဖျါ ထီၣ် တၢ် ဂ့ၢ် အံၤ လၢယ အိၣ် ဒီး မဲာ် ထံ မဲာ် နိန့ၣ် လီၤ. အ၀ဲ သ့ၣ်စံး ၀ဲသ ၀ီ ဖိ တဖၣ် ဘၣ် ကွၢ် ဆၢၣ် မဲာ်တၢ် တဖၣ် အံၤအပူၤ ကွံာ်တ အိၣ် နီ တ ဘီျဘၣ်,ဒီး တၢ် သ့ၣ် တဖၣ် အံၤဟဲ ကဲ ထီၣ်အ သး စး ထီၣ် ဖဲတၢ် ခူၣ် အဲၣ် တံၣ် မိၣ် နံၣ် အံၤ ဟဲ အိၣ် အသး ၀ံၤ အ လီၢ် ခံန့ၣ် လီၤ. အ၀ဲ ဃ့ စ့ၢ် ကီး တၢ် မၤ စၢၤ ဒ်သိး ယ က မၤ စၢၤ အီၤ န့ၣ် လီၤ. ယ သံ ကွၢ် အီၤတၢ် ဂ့ၢ် ကီ လၢ ဒူ ဖိ သ၀ီ ဖိ တဖၣ် ဘၣ် ကွၢ် ဆၢၣ် မဲာ် ၀ဲ ဒၣ်တ ဖၣ် အံၤလီၢ် က၀ီၤ ခိၣ် တဖၣ် တ သ့ၣ် ညါ ဘၣ် ဧါ,သု တ လဲၤ ပာ်ဖျါ ထီၣ် ဘၣ် တ ခီ ဧါ.
အ၀ဲ စံး ဆၢ ယၤပ ဒူ ဖိ သ ၀ီဖိ တဖၣ်ပာ်ဖျါ ထီၣ် တၢ် ဂ့ၢ် ကီ,တၢ် တဘၣ် သူၣ် ဘၣ် သးအလံာ် ပတံ ထီၣ်တဘျုး ဘျီဆူ ကီၢ် ဆၣ် ခိၣ် နၢ် ,စၢၢ် ထး မူ ဒါ ခိၣ်အအိၣ် ဘၣ် ဆၣ်တၢ် ဟံး ထီၣ် ဂ့ၢ် ၀ီလီၤ တံၢ် လီၤ ဆဲး ဒီးတၢ် ဟ့ၣ် တၢ် ဆၢ တဲာ် လီၤ တံၢ် လီၤ ဆဲး လၢ အဂီၢ်နီ တမံၤဘၣ် န့ၣ် လီၤ. အ၀ဲ စံး ဆၢ ယၤ ၀ံၤ တ ဘီျ ဃီယ ဆိ က မိၣ် ထီၣ်လီၤ က ၀ီၤ ခိၣ် နၢ် တဖၣ် သ့ၣ် ညါ ၀ဲ တၢ် ဂ့ၢ် အံၤ ဘၣ်ဆၣ်ဘၣ် မနုၤ အဃိလၢတ ဂုာ် ကဲျး စၢး ဒီး ဘှၣ် လီၤ တၢ် ဂ့ၢ် အံၤ လဲၣ်,မ့ၢ် လၢ အ၀ဲ သ့ၣ် တ ချုးတ ဒး ဘၣ် တ ခီ ဧါ,မ့ တမ ့ၢ်က ဘှၣ် လီၤ တၢ် ဂ့ၢ် ကီ အံၤ မ့ၢ်တၢ် နီး တၢ် ဘျး တၢ် မၤ တံာ် တာ် အိၣ် တ မံၤ မံၤ ခီ ဧါမ့တ မ့ၢ်ပှၤ က ညီ ဂံၢ် ဘါ ဒီး တၢ် သ့ တၢ် ဘၣ် တ အိၣ် ဘၣ် အဃိတၢ် ဂ့ၢ် ကီ အံၤတုၤ ခဲ အံၤ တၢ် ဘှၣ် လီၤ ကွံာ် အီၤ တ သ့ ဘၣ် ဧါ, မ့ တမ့ၢ် ကိျၣ် စ့ တၢ် န့ၢ် ဘျုး လၢကီၢ် ရ့ၣ်အ ဂီၢ် အိၣ် အါ တ လၢ အ ဃိလီၢ် က ၀ီၤ ခိၣ် နၢ် တဖၣ် တ ဘှၣ် လီၤ တၢ် ဂ့ၢ် ကီ အံၤ ဘၣ်တ ခီဧါန့ၣ်ယ တၢ် ဆိ က မိၣ် တဖၣ် အိၣ် ထီၣ် ၀ဲ ဒၣ် အါ မံၤ န့ၣ် လီၤ.
၀ံၤ အ လီၢ် ခံ ယလဲၤ ဟး ထီၣ် တၢ် ခူၣ် လၢၢ်ပူၤ ဒီး ယ ထံၣ် လိာ် ယ သးထိး ခီၣ် ခီ ပနံၣ် ပှၤ မၤ လၢၢ် ခၢၣ် စး လီၢ် က၀ီၤ ပှၤ မၤ လၢၢ် အခိၣ်ဒီး ပှၤ မၤ လၢ ၢ်ဖိတန ီၤ န့ၣ် လီၤ. ယ သံ ကွၢ် ပှၤ မၤ လၢၢ် ခိၣ် အကျါ တဂၤမ့ၢ် တ လါ တလါန ထုး ထီၣ် လၢၢ်အဲၣ် တံၣ် မိၣ် နံၣ်န့ၢ် ပှဲၤ တၣ် လဲၣ် ဒီး နဟ့ၣ် ဘၣ်ကီၢ် ရ့ၣ် စ့ အခိ လၢန မၤ တၢ် ခူၣ် လၢၢ် ဖဲ အံၤ န့ၢ် ဆံး အါ လဲၣ်. အ၀ဲ စံး ၀ဲ တသီ အ တီၢ် ပူၤထုး ထီၣ် လၢၢ် န့ၢ် ၀ဲ ဒၣ် ၃-၄ တၣ် ဒီး တ လါ တလါ အ၀ဲ သ့ၣ် ဘၣ် ဟ့ၣ် ကီၢ် ရ့ၣ် စ့ အခိစ့ ပ ယီၤအက လီၢ် ၂၀ကၠး န့ၣ် လီၤ.
ယ ဆိ က မိၣ် တ လါ တလါ ခီ ပ နံၣ်အ ံၤမၤ န့ၢ် လၢ ၢ် အတၣ် တုၤ လၢ၁၀၀-၁၂၀တၣ် အ ဘၢၣ် စၢၤ န့ၣ် လီၤ. ယ ဃု သ့ၣ် ညါ လၢၢ် တတၣ် အံၤ အ ဖီ ခိၣ် ခီ ပ နံၣ် က့ၤ ဆါ ဒီး ဒိး န့ၢ် ဘၣ် ၀ဲတုၤ လၢ စ့ ယိၤ၂၀,၀၀၀ ဘး န့ၣ် လီၤ. ခီ ဖိျတလါ တလါ ခီ ပ နံၣ် အံၤမၤ န့ၢ် လၢၢ် ၁၀၀-၁၂၀တၣ် အဃိ တလါ တလါ စ့ လၢ ခီ ပ နံၣ် ဒိး န့ၢ် ဘၣ် ၀ဲ အံၤက အိၣ် တုၤ လၢ စ့ ယိၤ ၂,၀၀၀,၀၀၀ ဘး (၂ က ကွဲၢ် ) (မ့ၢ် ထိၣ်လၢ စ့ပ ယီၤကအိၣ်တုၤလၢ အ က ကွဲၢ် ၉၀ကကွဲၢ် )ဆူ အ ဖီ ခိၣ် န့ၣ် လီၤ. ဘၣ် ဆၣ် ဘၣ် မနုၤ အဃိကီၢ်ရ့ၣ် ဘၣ် ဒိး န့ၢ်ဘၣ် ထဲတလါ စ့ပယီၤ အက လီၢ် ၂၀က လီၢ် ကၠး လဲၣ်.တၢ် သံ ကွၢ် အိၣ် ထီၣ် ၀ဲ ဒၣ် လၢ ကိျၣ် စ့ အခိ လၢခီ ပ နံၣ် ဟ့ၣ် ၀ဲဒၣ် လၢကီၢ်ရ့ၣ် ပူၤ အံၤမ့ၢ် ဒၣ် တၢ် ဆံး ဆံးဖိ န့ၣ်လီၢ်က၀ီၤ ခိၣ် နၢ်တ ဖၣ် တ သ့ၣ် ညါ ၀ဲ ဘၣ် တ ခီ ဧါ.
တၢ် ဂ့ၢ် အိၣ် စ့ၢ် ကီး အဂၤ တမံၤ လၢ ယထံၣ် သ့ၣ် ညါ ဘၣ် အီၤ မ့ၢ် ၀ဲ ဒၣ် ခီ ပန ံၣ်အ ံၤ တၢ် ဟ့ၣ် အခွဲး လၢ က ဘၣ် ခူၣ် လၢၢ် ထဲ အအ့ၣ် ကၢၢ် ၄၀-၅၀ အ့ၣ် ကၢၢ် အ ပူၤ န့ၣ် လီၤ. ဘၣ် ဆၣ် ခီ ပ နံၣ် ခူၣ် လၢ ၢ်အဲၣ် တံၣ် မိၣ် နံၣ် အံၤ တၢ် တယး ကွၢ် ၀ဲ အိၣ် အါ န့ၢ် ဒ်အအ့ၣ် ကၢၢ် လၢ အက ယၤ န့ၣ် လီၤ.
ကီၢ် ရ့ၣ် ပှၤ ဘၣ် မူ ဘၣ် ဒါ အပှၤတအိၣ် လၢ ကကွၢ် ဟုၣ် ကွၢ်စူၣ်ဒီးသမံ သမိးခီ ပနံၣ် အတၢ် ဖံး တၢ် မၤ တဖၣ် ဘၣ်အဃိ မ့ၢ် တၢ် လီၤ သး အုး ဖး ဒိၣ် န့ၣ် လီၤ. ဟီၣ် ခိၣ် တၢ် လီၢ် တၢ် ကဲျ တၢ် ဟး ဂီၤ,ဒူ ဖိ သ၀ီဖိ အတၢ် တူၢ် ဘၣ် ခီ ၣ် ဘၣ် တဖၣ် ဒီး ကိျၣ် စ့ လၢ ကီၢ် ရ့ၣ် မၤ န့ၢ် ၀ဲဒၣ် တဖၣ် န့ၣ် တ ကၢ ကီၣ် လိာ် အသး နီ တစဲး ဘၣ် န့ၣ် လီၤ.
ဒ် သိး လီၢ် က ၀ီၤ ခိၣ် နၢ် တဖၣ် က သ့ၣ် ညါ အါ ထီၣ် တၢ် ဂ့ၢ် တၢ် ကိျၤ လီၤ တံၢ် လီၤ ဆဲး လၢ သ၀ီဖိ တဖၣ် တူၢ် ဘၣ် ၀ဲဒၣ်မၤ တၢ် ဆၢ တဲာ် လီၤ တံၢ် လီၤ ဆဲး က သ့ တမံၤ မံၤ အဂီၢ် ယ ဂုာ် ကဲျး စၢၤ ဒုး ထံၣ်လိာ် လီၢ် က ၀ီၤ ခိၣ် နၢ် ဒီး သ၀ီဖိ ဒ် သိး က က တိၤဒီးဃု ကဲျ လၢက ဘှၣ် လီၤ ကွံာ် တၢ် ဂ့ၢ် ကီ လၢ သ၀ီဖိ တဖၣ် ဘၣ် ကွၢ် ဆၢၣ် မဲာ် ၀ဲ ဒၣ် တဖၣ် န့ၣ် လီၤ.တၢ် ထံၣ် လိာ် အိၣ် သကိး တ ဘီျ အံၤ ဒူ သထူၣ် ကီၢ် ရ့ၣ် စၢၢ် ထး ၀ဲၤ ကိျၤ ခိၣ် ဒီး သုး က့ ၁ သုး က့ ခိၣ် ဟဲထီၣ် ၀ဲ ဒၣ် တၢ် အိၣ် ဖှိၣ် န့ၣ် လီၤ. လၢ တၢ် ထံၣ် လိာ် အိၣ် သကိး တ ဘီျ အံၤတၢ် ဂ့ၢ် ဟဲ အိၣ် ဖျါ ထီၣ် ၀ဲ ဒၣ် အ သီ တ မံၤ လၢလၢၢ် ပူၤ အံၤ အိၣ်၀ဲ ဒၣ် လၢကီၢ် ရ့ၣ် ခံ ဘ့ၣ် အ ဆၢ အ ဃိတၢ် ဂ့ၢ် ကီ အံၤ တၢ် ဘှၣ် လီၤ ထဲ ကီၢ် ရ့ၣ် တ ဘ့ၣ် ဧိ ၤ တ သ့ ဘၣ် န့ၣ် လီၤ. ကီၢ် ရ့ၣ် စၢၢ် ထး မူ ဒါ ခိၣ် အၢၣ် လီၤ၀ဲ ဒၣ်လၢ မုာ် ြတီၤ ကီၢ် ရ့ၣ် မ့ၢ် တဟ့ၣ် အ ခွဲး လၢခီ ပ နံၣ် လၢၤ ဘၣ် န့ၣ်အ၀ဲ သ့ၣ် စ့ၢ် ကီး ၂၀၁၂နံၣ် အပူၤ တဟ့ၣ် စ့ၢ် ကီး ခီ ပနံၣ် အခွဲး လၢၤ ဘၣ် န့ၣ် လီၤ.
ယ ဟဲ က့ၤ ၀ံၤ အလီၢ် ခံယ ၤဒီး ယ သကိး လၢ ခ့စဲၢ် တဖၣ် ပ လဲၤ ထံၣ် လိာ် သကိး ပသး ဒီးဒူ သထူၣ် ကီၢ် ရ့ၣ် ခိၣ်,သုး က့ ၁သုးက့ခိ, မုၢ် ြတီၤ ကီၢ် ရ့ၣ် ခိၣ် ဒီး သုး က့ ၅သုး က့ ခိၣ် ဒီး ပာ်ဖျါ ထီၣ် တၢ် ဂ့ၢ်တၢ်ကိျၤ လၢ ယ လဲၤ ဒီး ထံၣ် ဘၣ် အီၤ တဖၣ် န့ၣ်လ ီၤ. ခိၣ် နၢ် တဖၣ် အံၤထံၣ် ၀ဲဒ ၣ် တၢ် ဘၣ် ဒိ ဘၣ် ထံး အါ ဒီးတၢ် န့ၢ် ဘျုး န့ၢ် ဖှိၣ် စှၤ အဃိအၢၣ် လီၤ ၀ဲဒၣ် လၢ က ပ တုာ် ကွံာ် တၢ် ခူၣ် လၢၢ် အဲၣ် တံၣ် မိၣ် နံၣ် ဖဲ ကီၢ် ရ့ၣ် ခံ ဘ့ၣ် အံၤ အဆၢ န့ၣ် လီၤ.
လါ အ့ ြဖ့ၤ ၂၀၁၂ နံၣ် အပူၤမုာ် ြတီၤ ကီၢ် ရ့ၣ် နဲၣ် လီၤ ၀ဲ ဒၣ် လၢကီၢ် ရ့ၣ် စၢၢ် ထး မူ ဒါ ခိၣ် က လဲၤ ပ တုာ်ကွံာ် တၢ် မၤ လၢၢ် အံၤ န့ၣ် လီၤ. လါ မ့ၤ ၂၀၁၂နံၣ်အပူၤဒူ သ ထူၣ် ကီၢ် ရ့ၣ် နဲၣ်လီၤ ၀ဲဒၣ် လၢတၢ် က ဘၣ် ပ တုာ် ကွံာ် တၢ် ခူၣ် လၢၢ် အံၤ န့ၣ် လီၤ. ဘၣ် ဆၣ်တုၤ လၢ ဆၢ ကတီၢ် ခဲ အံၤသ၀ီဖိ ပာ်ဖျါ ထီၣ် ၀ဲတၢ် ခူၣ် လၢၢ် အဲၣ် တံၣ် မိၣ် နံၣ် လၢကီၢ် ရ့ၣ် ခံ ဘ့ၣ် အဆၢ အံၤ အိၣ် ဒံး ၀ဲဒၣ် န့ၣ် လီၤ. တၢ် လီၤ ကွၢ် သ မံ သမိး,ကွၢ် ထံ ကွၢ် ဆး တၢ် မၤ ဒ် အံၤ သ့ၣ် တဖၣ်မ့ၢ် တအိၣ်လီၤ တံၢ် လီၤ ဆဲး ဘၣ် န့ၣ်ခီ ပ နံၣ် လၢ အမၤ တၢ် မၤ ဒ်အံၤ သ့ၣ်တ ဖၣ် ကဃု ၀ဲ ဒၣ် ကဲျအ ဘိဘိလၢ က မၤ ဘၣ် တၢ် အဂီၢ် န့ၣ် လီၤ. လီၢ် က၀ီၤခိၣ် နၢ် ပှၤ ဘၣ် မူ ဘၣ် ဒါ တဖၣ်မ့ၢ် တ အိၣ် ဒီး တၢ် ဟံး မူ ဒါဒီး ဟံး ဂ့ၢ် ၀ီ လီၤ တံၢ် လီၤ ဆဲး ဘၣ် န့ၣ်တၢ် မၤ ဒ် အံၤ တဖၣ်က ဆဲး လဲၤ အသး တ ပ ယူာ် ဃီန့ ၣ်ပ သ မၢ အလီၢ် တ အိၣ် ဘၣ်.
Post a Comment