ကွဲၤကလုၢ်
ယူၤလံ ၈,၂၀၁၂
ကမျၢၢ် ဖဲ မါ တလ့ ၀့ၢ် ကအိၣ် ၅၀၀၀ဂၤ ဃၣ် ဃၣ် ဒီး ပှၤဟံး တၢ် ကစီၣ် ဃုာ် ဒီး တရူး အထံ ဖိ ကီၢ် ဖိ ဖဲ မါ တလ့ ၀့ၢ် ပူၤ တဖၣ် အိၣ် ခိး သဂၢၢ် လၢ က ဟံး စုကွၢ် မဲာ်၀ဲဒၣ် ကၠဲး ကံၣ် ခၠါ အဂီၢ်တန့ၢ် ဘၣ် တၢ် ခွဲး တၢ် ယာ် လၢ ကထံၣ် လိာ် သး ဘၣ် ဒီး ဘၣ် တၢ် ြတီ ဃာ် အ၀ဲ သ့ၣ် လၢယူၣ် နံၣ် စဲးအဂ့ၢ် တၢ် က စီၣ် ပာ်ဖျါ ၀ဲ ဖဲ လါ ယူၤ လံ ၆ သီ အနံၤ န့ၣ်လီၤ.ကၠဲး ကံၣ် ခၠါ လဲၤ ၀ဲ လၢ ဖိ သၣ် လၢ အ ဘၣ် တၢ် ကူၣ် လဲၤမၤ ကၤ အ၀ဲ သ့ၣ် ဒီး ထူၣ် ဖျဲး ထီၣ် ကွံာ် ,ဖိသၣ် လၢ အ မိၢ် အ ပၢ် ကဟု ကယာ် တအိၣ် ဘၣ် အိၣ် တၢ် အလီၢ် ဖဲ မါ တလ့ လၢ အ ဘၣ် တၢ် ကဟု ကယာ် အ ၀ဲ သ့ၣ် လၢ ပှၤ လၢ အကွၢ် ဆၢၣ် မဲာ် ဒီး ထံ ကီၢ် တၢ် ဘျၢ တဖၣ် ဒုး အိၣ် ထီၣ် ၀ဲ တၢ်လုၢ်အီၣ် သး သမူ အဂီၢ် ၀ဲ ၤ လီၢ် န့ၣ် လီၤ.
ခီ ဖျိကမျၢၢ် တဖၣ် အိၣ် ခိး သဂၢၢ် ကၠဲး ကံၣ် ခၠါ အခိၣ် ဖဲ မါ တလ့ ကစၢၢ် ဒီ ခိၣ် အါ အ ဃိ တၢ် ရဲၣ် တၢ် ကျဲၤ လၢ ကမျၢၢ် အိၣ်ခိး သဂၢၢ် ကၠဲး ကံၣ် ခၠါ အံၤန့ၣ် ဟီၣ် ခိၣ် ဘီ မုၢ် စၢ ဖှိၣ်ကရၢ တၢ် ကွၢ် ထွဲ ဖိသၣ် ဂ့ၢ် ဂီၢ် အူ စ့ ပာ်ကီၤ ကရၢ (ယူၣ် နံၣ် စဲး ) မၤ ဟး ဂီၤ ကွံာ် ၀ဲ န့ၣ် လီၤ.
ယူၣ် နံၣ် စဲး အပှၤ ဘၣ် မူ ဘၣ် ဒါ တဂၤ စံး ၀ဲ လၢ ,ပ တ ဟ့ၣ် ပှၤ ဟံး န့ၢ် တၢ် က စီၣ် ဒီး ဒိ တၢ် ဂီၤ ဘၣ် န့ၣ် ပ ကွၢ် လၢ ဖိ ဒံ ဖိ သၣ် တဖၣ် အတၢ် အိၣ် မူ ဆူ ညါ အဂီၢ် န့ၣ် လီၤ. ဖိ သၣ် တဖၣ် မ့ၢ် ဒၣ် ပှၤ သ့ၣ် တဖၣ် လၢ ပ ဘၣ် ကွၢ် ထွဲ က ဟုကယာ် အ ၀ဲ သ့ၣ် လီၤ. လၢ ဖိ သၣ် တၢ် ဘံၣ် တၢ်ဘၢ ဒီး အ ၀ဲ သ့ၣ် အတၢ် အိၣ် မူ တၢ် ဒီ သဒၢ အဂီၢ် အ ဃိ ပ တဟ့ၣ် တၢ် ခွဲး လၢ ပှၤ ကဟံး န့ၢ် တၢ် ကစီၣ် ဘၣ် န့ၣ်လီၤ. တကး ဘၣ် က ၠဲး ကံၣ် ခၠါ ဟဲ လၢ က ထံၣ် လိာ် သး ဒီး ဖိ ဒံ ဖိ သၣ် သ့ၣ်တဖၣ် အဂီၢ် အဂ့ၢ်န့ၣ် လီၤ.
ဒ်သိး တၢ် ကူၣ် လဲ မၤ ကၤ ဖိသၣ် သု တအိၣ် တဂ့ၤ လၢ တၢ် က ဒီ သဒၢ ဒီး မၤ စၢၤ က့ၤ ဖိ သၣ် သ့ၣ် တဖၣ် အဂီၢ်တၢ် ြတီ ဆၢ ဃာ် အီၤ က န့ၢ် အဂီၢ် န့ၣ် ကၠဲး ကံၣ် ခၠါ ထံၣ် လိာ်သး ဒီး မါ တလ့ ပှၤ ဂ့ၢ် ၀ီ၀ဲၤ လီၢ် ခိၣ် သ့ၣ်ပှၤ မၤ တၢ်ဖိ,ပှၤသုး ကျဲၤ တၢ် ကိတိာ် ၀ဲၤ လီၢ်,ကီၢ် ပယီၤပၢၤ ကီၢ် ,ပှၤလၢ ြတီ ဃာ် တၢ် ကူ ၣ် လဲ မၤကၤ ၀ဲၤ လီၢ်အပှၤ ဘၣ် မူ ဘၣ် ဒါ သ့ၣ် တဖၣ်လၢ တၢ်က ြတီ တံၢ်ဃာ် တၢ်ကူ ၣ် လဲ မၤ ကၤ ဖိ သၣ် သ့ၣ် တဖၣ် အဂ့ၢ်န့ၣ် လီၤ.
က ၠဲး ကံၣ် ခၠါ စံး ၀ဲ လၢ ,ဘံယဲ နၣ် ,ခဲၣ် ဘိ ဒံ ယါ,ဒီး ကီၢ်ပယီၤပူၤမ့ၢ် ဂ့ၤ ဖဲ ပလဲၤ ထံ ကီၢ် တဘ့ၣ် ဘၣ် တဘ့ၣ် အပူၤ တၢ် လၢ အရ့ဒိၣ် လၢ ယ အဲၣ် ဒိး တဲ န့ၣ် ပ က ဘၣ် အိၣ် ဒီး တၢ် အဲၣ် တၢ် ကွံ တၢ် ဃူ တၢ် ဖိး န့ၣ် လီၤ. ဖိ သၣ်တဖၣ် မ့ၢ်ထံ ကီၢ်ဂီၢ် စၢၤ သွဲၣ် သီ ဃိ ပဘၣ်ကွၢ် ထွဲ ကဟုကယာ် ဒီး သူၣ် ထီၣ် အ၀ဲ သ့ၣ် န့ၣ် လီၤ. ယ နီၢ် ဆံး ခါ ယ တ မၤ လိ ဘၣ် တၢ် က စီ ဒီ ဘၣ် အဃိ လၢ ဟီၣ် ခိၣ် ချၢ ပှၤ ဖိ သၣ် သ့ၣ် တဖၣ် အဂီၢ် အကါ ဒိ ၣ်က တၢၢ် လၢ တရူး ကီၢ် ပူၤ ဖိ သၣ် သ့ၣ် တဖၣ် အဂီၢ်လၢတၢ် ဟ့ၣ် ဂံၢ် ဟ့ၣ် ဘါအ၀ဲသ့ၣ် တၢ် ကူၣ် ဘၣ် ကူၣ် သ့ အဂီၢ်န့ၣ် ယ သူၣ် ထီၣ် ကၠိ ၂၇ဖျၢၣ် န့ၣ်လီၤ. ဖိ သၣ် တဖၣ် တမၤ လိ ဘၣ် တၢ် ဘၣ် ဒီး တူၢ်ဘၣ် တၢ် လဲၤ ဆါ လီၤ အီၣ် အ၀ဲ သ့ၣ် န့ၣ် တမ့ၢ် ထဲ ကီၢ် ပယီၤပူၤ ဘၣ်အိၣ် ၀ဲ လၢ ဟီၣ် ခိၣ် ချၢ ဒီ ဘ့ၣ် အဂ့ၢ် န့ၣ် လီၤ.
Post a Comment