တရူးလိၣ်ဘၣ်၀ဲ ပိာ်မုၣ် အကကွဲၢ် ၂၀၀ အံၤ ဒ်သိးကီၢ်ပယီၤမုၣ်ဖိတဖၣ် တၢ်သုတဆါအီၣ်အီၤတဂ့ၤ အဂီၢ် တၢ်ြကၢးအံးထွဲကွၢ်ထွဲ၀ဲ

တရူးပဒိၣ်တခီ ဘၣ်ထွဲဒီး တၢ်ကူဆါအီၣ်အကျဲတဖၣ် အိးထီၣ်၀ဲတဆံးတက့ၢ်န့ၣ် ပသ့ၣ်ညါဘၣ်အီၤ အဃိ ကီၢ်ပယီၤထံဖိကီၢ်ဖိတဖၣ် အတၢ်ဘံၣ်တၢ်ဘၢအဂီၢ် နီၢ်ကစၢ်အံးထွဲကွၢ်ထွဲမ့ၢ်တၢ်လၢ အရ့ဒိၣ် အဂ့ၢ် ကီၢ်ပယီၤပူၤကညီပိာ်မုၣ်ပှၤဂဲၤလိာ်တၢ်လၢပိာ်မုၣ်ခွဲးယာ် နီၢ်စူၢ်စဲနၢ်လၣ်လၣ်စိ စံး၀ဲဒၣ်လီၤ.

တရူးအကီၢ်ပူၤ ဘၣ်ဃးတၢ်ကူဆါအီၣ်ပှၤကူပှၤကညီတဖၣ်ဟဲအါထီၣ်အံၤ ခီဖျိအသးလၢ တရူးပ ဒိၣ်တဖၣ် ပာ်လီၤ၀ဲတၢ်ဘျၢလၢ ကဘၣ်ဟံးဖိထဲတဂၤအဃိ ဟံၣ်ဒူၣ်ဃီထၢအါတက့ၢ်ဟံးအဖိလၢ အပိာ်ခွါအဃိ တရူးကီၢ်ပူၤ တၢ်လိၣ်ဘၣ်၀ဲ ပိာ်မုၣ် အကကွဲၢ် ၂၀၀ အိၣ်၀ဲအဃိ ထံကီၢ်လၢအအိၣ်ဘူး တဖၣ် ဘၣ်တၢ်ကူဆါအီၣ်အီၤအိၣ်၀ဲန့ၣ် ပသ့ၣ်ညါဘၣ်အီၤလီၤ.

ကီၢ်ပယီၤပူၤ ပှၤလၢ အဘၣ်တၢ်ကူဆါအီၣ်အီၤဆူ ထံဂုၤကီၢ်ဂၤန့ၣ် တရူးကီၢ်အံၤ မ့ၢ်၀ဲ တၢ်ကူဆါ အီၣ်အီၤအအါကတၢၢ်အဂ့ၢ် ပသ့ၣ်ညါဘၣ်အီၤလၢ တၢ်ဒီသဒၢ တၢ်ကူဆါအီၣ်ပှၤကညီအလံာ်မၤနီၣ် အပူၤပသ့ၣ်ညါဘၣ်အီၤလီၤ.ဒ်န့ၣ်အသိးစ့ၢ်ကီး တၢ်ကူဆါအီၣ်ပှၤကူပှၤကညီ ဆူထံဂုၤကီၢ်ဂၤန့ၣ် ပိာ်တဖၣ်ဘၣ်တၢ်ကူဆါအီၣ်အီၤအိၣ်၀ဲ ၈၅ မျးကယၤအဂ့ၢ်န့ၣ် ပသ့ၣ်ညါဘၣ်စ့ၢ်ကီးအီၤလီၤ.

ဘၣ်ထွဲတၢ်ကူဆါအီၣ်ပှၤကူပှၤကညီန့ၣ်အက့ၢ်အဂီၤအိၣ်၀ဲခံထံၣ်လၢအမ့ၢ် တၢ်ဖျီဆူၣ်ဖျီဆိးအီၤ၀ံၤ, အ၀ၤမၢအမၤတၢ်ဒီး လၢတၢ်မုာ်ဖံးညၣ်တကပၤ ဘၣ်တၢ်မၤဆူၣ်အီၤ တၢ်ဂ့ၢ်ကီလၢ အပိာ်ထွဲထီၣ်အခံ တဖၣ် အံၤဟဲအိၣ်ထီၣ်၀ဲအဂ့ၢ်န့ၣ် ပသ့ၣ်ညါဘၣ်အီၤလီၤ.

“ ဘၣ်ထွဲဒီးတၢ်ကူဆါအီၣ် ပိာ်မုၣ်ပိာ်မၢၤဒ်အံၤန့ၣ် ဘၣ်ထွဲတၢ်ဟ့ၣ်တၢ်သ့ၣ်ညါတဖၣ်တၢ်ြကၢးဟ့ၣ်အါ ထီၣ်အီၤ, ထဲ၀့ၢ်တကူၣ်တခါဧိၤတကးဘၣ်, လၢကီၢ်ဆၢတကပၤ ပဒိၣ်တခီ ြကၢးသမံသမိး၀ဲလီၤတံၢ် လီၤဆဲးဒ်အမ့ၢ် လဲၤမၤတၢ်ဧါ, မ့ၢ်ပှၤလၢတၢ်လဲၤကူဆါအီၣ်အီၤဧါြကၢးလၢ ကသမံသမိး၀ဲလီၤတံၢ် လီၤဆဲးမီၤ” အဂ့ၢ် ဒံၣ်၀ဲၤလီၢ်ခိၣ်သ့ၣ် ကမျၢၢ်ဘျီၣ်ဒိၣ်ခၢၣ်စး ဒီၣ်ဖၠူၣ်ဖၠူၣ်သ့ စံး၀ဲလီၤ.

ကီၢ်ပယီၤပူၤ ပှၤလၢ အဘၣ်တၢ်လဲၤကူဆါအီၣ်အီၤဆူ တရူးကီၢ်ဒီး ဟဲက့ၤသူၣ်ထီၣ်က့ၤအတၢ်အိၣ် တၢ်ဆိးန့ၢ်ဖဲ  ၂၀၁၂ နံၣ် လါမ့ၤအတီၢ်ပူၤ အိၣ်၀ဲ ၇၈၀ ဂၤ၀ံၤ, မ့မ့ၢ်လၢ​ ကၠီၣ်တဲၣ်တခီ အိၣ်၀ဲ ၄၈၃ ဂၤဒီး အ့ၣ်ဒိၣ်နံရှါတခီ ၁၆ ဂၤအိၣ်၀ဲအဂ့ၢ် ပသ့ၣ်ညါဘၣ်အီၤလီၤ.

ပှၤလၢတၢ်ကူဆါအီၣ်အီၤအကျါ ပိာ်မုၣ် ၈၅ မျးကယၤအိၣ်အသိးအံၤ ပှၤလၢ တၢ်ကူဆါဆူၣ်အီၤ ပိာ်မုၣ်အိၣ်၀ဲ ၆၅ မျးကယၤအိၣ်၀ဲ အဂ့ၢ် တၢ်ဒီသဒၢတၢ်ကူဆါအီၣ်ပှၤကူပှၤကညီ လီၢ်ခၢၣ်သးအလံာ် မၤနီၣ်အပူၤ ပသ့ၣ်ညါဘၣ်အီၤလီၤ.