ကွဲၤကလုၢ်
လါစဲး ပ ထ့ဘၢၣ် ၄, ၂၀၁၂
ခ့ၣ် အဲၣ် ယူၣ် ဒီး ကီၢ် ပယီၤ ပဒိၣ် ထံၣ် လိာ်သး ၃ ဘျီ တဘျီ ဖဲ လါ စဲး ပ ထ့ဘၢၣ် ၃ သီ တုၤ ၄ သီ န့ၣ် လီၤ. တၢ် ထံၣ် လိာ် ကတိၤ တၢ် တ ဘျီ အံၤ မ့ၢ် တၢ် ကတိၤ သကိး၀ဲဒၣ် တၢ် ပ တုာ် တၢ် ခး တၢ်သိၣ် တၢ် သီ တၢ် ဘျၢ/ လၢ ခ့ၣ်အဲၣ်ယူၣ် ဒီးကီၢ် ပယီၤ ပဒိၣ် အၢၣ် လီၤ တ့ၢ် ၀ဲဒၣ် လၢ တၢ် ကကွဲး ဒီး ဒုးအိၣ် ထီၣ်အီၤ ,ဒီး ဘၣ်တၢ်ကွဲ း လီၤ ပြတိာ် အီၤ လၢခ့ၣ်အဲၣ် ယူၣ် န့ၣ်လီၤ.
နီၢ် မ့ၣ် အူ မုာ် ြတီၤ လၢ အမ့ၢ် ခ့ၣ် အဲၣ် ယူၣ် ခၢၣ် စး အပှၤတဲ တၢ် ပၢစံး၀ဲ,ထံကီၢ် ပဒိၣ် တခီ န့ၣ် (မူ)အဖီ ခိၣ် န့ၣ် အၢၣ် လီၤ တူၢ် လိာ်၀ဲဒၣ်လီၤ. တၢ်သိၣ်တၢ်သီ အံၤ န့ၣ် ထံကီၢ် ပဒိၣ် အခၢၣ်စး ကက့ ၤစိာ် ၀ဲဒၣ် ဆူ ပှၤ ဘၣ် မူ ဘၣ်ဒါ လၢ ထး , ဆူ ကီၢ်ခိၣ် အအိၣ်လၢ ကဒုးနဲၣ်၀ဲ ၀ံၤကတဲသကိး ၀ဲ လၢ ခံ တဘျီ န့ၣ် လီၤ.တၢ်သိၣ်တၢ်သီ တၢ် သီ ပြတိာ် ဒီ ဘ့ၣ်ညါ န့ၣ် ပၣ်ဃုာ်ဒီး တၢ် ကတိၤ ဆိ န့ၣ်ကအိၣ်၀ဲဒၣ်အကူာ် ၁၁ ခါ့ အကျါ တခါ တၢ်သိၣ် တၢ်သီ ဘၣ် ထွဲ ဒီး ၱဒီကလုာ်တၢ်ထူၣ်ဖျဲးသုးမုၢ်ဒီး ထံကီၢ်ပဒိၣ် အသုး ကလဲၤ ကျဲ ဒ်လဲၣ်, ကဘၣ်ပိာ်ကျဲဒ် လဲၣ်/, ဘၣ်ထွဲဒီး တၢ်ဂ့ၢ်အံၤ လဲၤ ဘၣ်ထွဲ လိၤ လိၤ ဒီး တၢ်ဂ့ၢ်ခံ ခါ တခါလၢ ပဟဲ တဲသကိး အကျါ လၢ အမ့ၢ် တၢ်သုးလီၢ် သုးကျဲ ဒီး ဆီလ ီၤက့ၤ ထံကီၢ်သုးမုၢ်ဒိၣ် တၢ် လီၢ် တၢ် ကျဲ လီၤ. ပဒိၣ်တခီ တဲ၀ဲလၢ ဘၣ်ဃးဒီးသုးမုၢ်ဒိၣ်အတၢ်သူၣ်ထီၣ်ဆီ လီၤသး အဖီ ခိၣ် အ၀ဲသ့ၣ်ဆၢ တဲာ်၀ဲတန့ၢ်ဘၣ် အ ဃိ ကဘၣ် က့ၤ ပာ်် ဖျါ ထီၣ်၀ဲလၢ တၢ်ဒီ သဒၢ ၀ဲၤ ကျိၤ ခိၣ်အအိၣ် လီၤ.
ခ့ၣ် အဲၣ် ယူၣ် ကွဲး ပာ်လီၤ ၀ဲဒၣ် တၢ် သိၣ် တၢ်သီ လၢ သုး ခံ ကပၤ က ဘၣ် လူၤ ပိာ် မၤ ထွဲ အီၤ တဖၣ် အိၣ်၀ဲဒၣ် အါ ထံအါ ဘီ ဘၣ်ဆၣ် တၢ် နီၤ ဖးလ ီၤ အခိၣ်တီ ဖးဒိၣ် မ့ၢ်၀ဲဒၣ်-သုး ခံခီ ခံကပၤ လၢာ် တၢ် သိၣ် တၢ် သီ တၢ် ဘျၢ လၢ တၢ် ကဘၣ် လူၤ ပိာ်မၤ ထွဲ အီၤ /, သုးခံ ခီ ခံကပၤ လၢာ်အတၢ် ဟး ထီၣ်က့ၤ လီၤ တၢ်သိၣ်တၢ်သီ တၢ်ဘျၢ/,သုးဒီး ထံ ဖိကီၢ် ဖိ အ ဘၢၣ် စၢၤ တၢ်သိၣ်တၢ်သီ တၢ်ဘျၢ/, တၢ်ကဒုးအိၣ် ထီၣ် ခံ ခီခံ က ပၤ လၢာ် မၤ သကိး တၢ် တၢ် ကွၢ် စူၣ် ကယာ် တၢ် ပတုာ် တၢ်ခးကမံတံာ်/,တၢ် သိၣ် တၢ် သီ တၢ်ဘျၢ လၢ တၢ်ကျဲၤ ဘၣ် လိာ် တၢ် သ ဘံၣ် သ ဘုၣ် ကဲထီၣ် သး /သ့ၣ် တ ဖၣ် န့ၣ်လီၤ.
ခ့ၣ် အဲၣ် ယူၣ်ဒီး ကီၢ် ပ ယီၤ ပဒိၣ် ခၢၣ်စး မၤ နၢ်ပၢၢ်လိာ် သကိး လိာ်သး ဒီး ခံ ခီ ခံကပၤ လၢာ် တူၢ်လိာ်၀ဲဒီး ဘှီ ဘၣ်က့ၤ၀ဲ တၢ် ကတိၤ တနီၤ, တၢ်အခီ ပညီ တနီၤ န့ၣ် လီၤ. ခံ ကပၤ လၢာ် တူၢ် လိာ် သကိး၀ဲ လၢ တၢ်ပတုာ်တၢ်ခး တၢ်သိၣ် တၢ်သီ တၢ် ဘျၢ/ ပြတိာ် အံၤ တၢ် အၢၣ်လီၤ တူၢ် လိာ် အီၤ န့ၢ်,ဒီး တၢ်ကဆဲးဆှၢ ထီၣ်ဆူ ကီၢ်စၢ ဖှိၣ် ခိၣ်နၢ် အအိၣ် ဆူထး လၢ ကကွၢ် ပဲာ် ထံနီၤ ဖး ဒီး ပာ််ဂၢၢ် ပာ် ကျၢၤ အီၤ အဂီၢ် န့ၣ်လီၤ.
ဘၣ်ထွဲဒီး တၢ် ပတုာ် တၢ် ခး တၢ်သိၣ် တၢ်သီ တၢ်ဘျၢ / အံၤ တၢ် ဂ့ၢ် ကျါ တခါ လၢ ကီၢ်ပယီၤ ပဒိၣ် တကပၤ ဟ့ၣ် ၀ဲဒၣ် တၢ် ဆၢ တဲာ် တသ့ဘၣ် မ့ၢ်၀ဲဒၣ်ဖဲ အကူာ် (၅)တၢ်ဂ့ၢ် , တၢ်ဂ့ၢ်လၢ အဘၣ်ထွဲ ဒီး,ၱတၢ် ပာ်် ပနီၣ် သုး အလီၢ် အကျဲ ,ဒီးသုး တၢ်လဲၤထီၣ်က့ၤ လီၤ တၢ်ဆဲးကျိး အ ကျဲ / တဖၣ် န့ၣ်လီၤ.
နီၢ် မ့ၣ် အူ မုာ် ြတီၤ စံး၀ဲ,လၢကညီ ဖိ အတၢ်လီၢ် တၢ်ကျဲ န့ၣ်ပယီၤ သုး မုၢ်ဒိၣ် အသုးဆီ လီၤ သးတၢ် လီၢ် ကအိၣ် ၃၀၀ဘျဲၣ်လီၤ. အကျါလၢ တၢ် မၤ ဖျါ ထီၣ် တၢ် ပတုာ်တၢ်ခး အမိၢ်လံၤ မိၢ်ပှၢ်ဒ်သိး ထံ ဖိကီၢ်ဖိကထံၣ်ဘၣ်ဒီး ကပလၢၢ်ဘၣ်၀ဲအဂီၢ်န့ၣ် , ထံဖိကီၢ်ဖိ တဖၣ်ပာ် ဖျါ ထီၣ် ၀ဲလၢ သုး တၢ် လီၢ်တဖၣ် တၢ် ကသုးကွံာ် အီၤလၢအ၀ဲသ့ၣ် အဒူ သ၀ီ လၢ အလီၢ် အကျဲလီၤ. တၢ်ဂ့ၢ်အ၀ဲ န့ၣ်တၢ် တဲ သကိး အီၤ အ ဖီ ခိၣ် ့လၢ တၢ် လိၣ် ဘၣ် အဖီ ခိၣ် တၢ် ကဆိ ကမိၣ် အီၤ လၢ တၢ် ကသုးကွံာ်အီၤ န့ၣ် တအိၣ် မျး ကယၤ ၅၀ ဘၣ်. ပဃ့ထီၣ် တၢ် အံၤ တမ့ၢ်လၢ ထံကီၢ် ပဒိၣ် အသုး မုၢ်ဒိၣ် အိၣ် သူၣ် လီၤ ဆီ လီၤ အသး န့ၣ်ပကွၢ် တမုာ် ဘၣ်န့ၣ်တမ့ၢ်ဘၣ်. ထံလီၢ်ကီၢ် ပူၤ တၢ်ဒုး တၢ်ယၤ မ့ၢ် တအိၣ် တၢ်ခး လိာ် သး မ့ၢ် တအိၣ် စဲ ဃဲၤ ဘၣ် န့ၣ်သုး တၢ်လီၢ် တဖၣ် အံၤ အလီၢ် တအိၣ်လၢ ကဘၣ် အိၣ် စ့ၢ်ကီး ဘၣ်. အ၀ဲသ့ၣ်အိၣ်အဃိ သတးဒီး ထံ ဖိကီၣ်ဖိ ပျံၤ တၢ် ဖုးတၢ် , လဲၤ တၢ် က့ၤတၢ် ဖံးတၢ်မၤ တၢ် ကီ ထီၣ် ခဲထီၣ် ပသမၢ အလီၢ် တ အိၣ် ဘၣ်. တၢ်အံၤ ထံကီၢ်ပဒိၣ်နၢ်ပၢၢ်၀ဲဒီး ပနာ်လၢ ကဆိ ကမိၣ် ၀ဲလၢ အဂ့ၢ်အကျိၤ ဒီးလၢ ထံ ဖိကီၢ်ဖိ အဂီၢ် န့ၣ်လီၤ.
တၢ် သိၣ် တၢ်သီ တၢ် ဘျၢ ဖဲ အကူာ် ၅ အပူၤ လၢခ့ၣ်အဲၣ်ယူၣ်ကွဲး ပာ်် ဖျါ ထီၣ် န့ၣ် လၢ ခံက တၢၢ် တၢ်မၤ န့ၢ် တၢ် အၢၣ်လီၤ လၢ ဘၣ် ထွဲတၢ်ဂ့ၢ်အံၤ န့ၣ်ကတီၢ်အံၤ သုး တၢ်ဆဲးကျိး အကျဲ လၢ ခံကပၤ လၢာ်စူးက ါပာ်် စၢၤ အီၤလၢ အအိၣ်ဒီး ခံခီ ခံ ကပၤ ကျဲၤ ဘၣ် လိာ် မၤ နၢ်ပၢၢ် လိာ်သး န့ၣ်လီၤ. တၢ် ပာ် ပနီၣ်သုး အတၢ် လီၢ်(အဟီၣ် ခိၣ်က၀ီၤ),သုး တၢ်လဲၤ ထီၣ် က့ၤ လီၤ အကျဲ ,ဒီး တၢ် ပာ်် လီၤ သုး ကလၢၤ န့ၣ် တၢ် ကဆဲး ကတိၤ သကိး လီၤ တံၢ်အီၤ ဆူ မဲာ်ညါအဂ့ၢ်တၢ်အၢၣ် လီၤ သကိး အီၤ န့ၣ်လီၤ.
တနံၤအံၤ ပူၤ ထီၣ် တၢ် ကတိၤ သကိး တၢ် ပတုာ် တၢ်ခး တၢ် သိၣ် တၢ်သီ တၢ် ဘျၢ/ အမဲာ်ညါ ခ့ၣ်အဲၣ်ယူၣ် တကပၤ ဆှၢ နုာ် အါ ထီၣ် တၢ်ဂ့ၢ် ဘၣ် ထွဲဒီး ကီၢ် ပယီၤ ပဒိၣ် ကဆိ ကမိၣ်တၢ် ကထုး ကဒါ က့ၤ အသုး တၢ်လီၢ် လၢ အဆီ လီၤ သး လၢ ဒူ သ၀ီ အပူၤ ဒီး ဒူ သ၀ီ က ပိာ် ကပၤ လၢ ခ့ၣ်အဲၣ်ယူၣ် အဟီၣ်က၀ီၤ အပူၤ ဒီး တၢ် ပ ာ် ပနီၣ်ကျဲ လၢ ပယီၤ သုး လဲၤထီၣ် က့ၤ လီၤ အကျဲတဖၣ် န့ၣ်လီၤ.
ဘၣ်ထွဲ တၢ်ဂ့ၢ်အံၤ ပယီၤ ပဒိၣ် တကပၤ တူၢ် လိာ်၀ဲဒၣ်ခ့ၣ်အဲၣ်ယူၣ်အတၢ်ဆှၢ နုာ် အံၤ ဘၣ်ဆၣ် စံး၀ဲလၢ အ၀ဲသ့ၣ် ဟ့ၣ် တၢ် စံး ဆၢ ဒီး မၤ တၢ် စံၣ်ညီၣ် တဲာ် တသ့ဘၣ် ဘၣ်ဆၣ် ကပာ် ဖျါ ထီၣ် ကဒါက့ ၤ၀ဲဆူ သုးပှၤ ဘၣ် မူ ဘၣ်ဒါ အဒိၣ် ကတၢၢ်အအိၣ် န့ၣ် လီၤ. ခ့ၣ်အဲၣ်ယူၣ် စ့ၢ်ကီး ပာ်် ဖျါ ၀ဲလၢ ခ့ၣ်အဲၣ်ယူူၣ် ပာ်် ဖျါ ဆိ တၢ် ဂ့ၢ်အံၤ မ့ၢ်ဒ်သိး ကီၢ်ပယီၤ ပဒိၣ်တကပၤ ကဆိ ကမိၣ် န့ၢ်၀ဲ လၢ အဂ့ၢ် ဒ်သိး တၢ် ကမၤ န့ၣ် တၢ် အုၣ်ကီၤ သး လၢ ထံ ဖိ ကီၢ်ဖိ တဖၣ် အတၢ်ဘံၣ် တၢ်ဘၢ အဂီၢ်န့ၣ် လီၤ.
ခ့ၣ် အဲ ၣ် ယူၣ် ပာ် ဖျါ ထီၣ် ၀ဲ လၢ ခ့ၣ် အဲၣ် ယူၣ် အဟီၣ် က၀ီၤသုးက့ ၇ ဘ့ၣ် အပူၤ သုးရ့ၣ်အိၣ်၀ဲဒၣ် ၃၁၀ ရ့ၣ်အ ဖီ ခိၣ် ဃ့ ထီၣ် ၀ဲ ဒၣ် လၢ ပယီၤ သုး ကထုးကွံာ် ၁၂၅ ရ့ၣ် န့ၣ် လီၤ.
Post a Comment