ပှၤဘၣ်ဒိဘၣ်ထံးခဲလၢာ် ကအိၣ်လၢ ၅၀ ဃၣ်ဃၣ်လၢ ဘၣ်ဒိနးနးကလဲာ်အိၣ်၀ဲအဂ့ၢ် ကလံၤစိး ခံရံယၢၣ် လီၢ်ခၢၣ်သး တၢ်ကစီၣ် အ့ၣ်ကၠ့ၣ်စံၣ် ဘိးဘၣ်ရၤလီၤ၀ဲလီၤ. ခီဖျိကလံၤမုၢ် အဃိ ပှၤလၢအဟံၣ်တအိၣ်ဃီတအိၣ်လၢၤ ပှၤနီၣ်ဂံၢ်ကအိၣ်၀ဲ ကလးဒီးတကထိဘျဲၣ်၀ံၤ တၢ်သူၣ်အီၣ်ဖျးအီၣ်စံာ်လီၢ်ပှဲၤလီၢ် အ့ကၢၣ် ၁၂၀,၀၀၀ ဘျဲၣ်ဟးဂီၤကွံာ်၀ဲစ့ၢ်ကီးန့ၣ် စံး၀ဲဒၣ် လီၤ.
စဲးဖီကဟၣ်လီၢ်, တၢ်မၤလီၢ် ၉၀၀ ဃၣ်ဃၣ်ဟးဂီၤကွံာ်၀ဲအသိး ထံကီၢ်ပၢတၢ်သူၣ်ထီၣ်တဖၣ်, ကၠိကီၣ်လၢ အဒၣ်ဇ့ၣ်တဖၣ်, တၢ်ဆါဟံၣ်တဖၣ်စ့ၢ်ကီးဟးဂီၤကွံာ်၀ဲအဂ့ၢ် လၢသန့အပူၤစံး၀ဲ ဒၣ်လီၤ. ဘိလၣ်ဘ့ၣ် တၢၣ်လီတဲစိကလံၤမုၢ်အံၤ လၢတရူးကီၢ်,ယပၣ်ကီၢ်ဒီးတရူးကီၢ် ဟီၣ်က ၀ီၤတနီၤဟဲခီဂာ်၀ဲဒီး ဖဲအပူၤကွံာ် မုၢ်ယူာ်ဒီးမုၢ်ပျဲၤအနံၤန့ၣ် နုာ်လီၤဘျၢၣ်၀ဲ ကလံၤစိး ခံရံယၢၣ် န့ၣ်လီၤ. သ့ၣ်ထူၣ်တဖၣ် ဖျီးထီၣ်၀ဲလၢအဂံၢ်, တၢ်သူၣ်ထီၣ်တဖၣ် တလဲၤအီထု, မ့ၣ်အူဖၣ်ဆါပတုာ်ကွံာ်အသးလၢ တၢ်ဂီၤမူလၢအရၤလီၤ၀ဲလၢကွဲၤဟူဖျါန့ၣ် ပထံၣ်ဘၣ်အီၤ လၢအဒုးနဲၣ်၀ဲလီၤ.
Post a Comment