ခ့ၣ်အဲးအ့ၣ် ခီၣ်မဲဒိၣ် လဖဲဇီၣ်ဆဲ စံး၀ဲ ဒ်သိးကန့ၢ်တၢ်မုာ်တၢ်ခုၣ်အဂီၢ် ဘၣ်သူၣ်ထီၣ်တၢ်နာ် (တၢ်ဂီၤမူ)

KIA ကခၠ့ၢ်ပှၤဖီၣ်စုက၀ဲၤ ခီၣ်မဲဒိၣ် လဖဲဇီၣ်ဆဲ

ခ့ၣ်အဲးအ့ၣ် ပှၤဖီၣ်စုက၀ဲၤကရူၢ် ခီၣ်မဲဒိၣ် လဖဲဇီၣ်ဆဲအံၤ ကူၣ်ထီၣ်မၤသံ၀ဲ သုးပဒိၣ် ကီၢ်ခီခိၣ် တဂၤအဃိ လီၤဘၣ်လၢဃိာ်ပူၤ တၢ်ဘျၢ ၁ရ(​၁)​၊​ ​၁၇(​၂)​၊​ ​၁၉(​စ)​၊​ ​၃၀၂​ ​အ​ပိုဒ်​ ​၁​/၃၄ တဖၣ် အဃိ လီၤဘၣ်ဃိာ်ပူၤတုၤလၢသံ ဒီး လီၤဘၣ်ဃိာ်ပူၤ ၂၄ နံၣ်၀ံၤ ၁၉၈၈ နံၣ်တၢ်ပူထီၣ်အ၀ံၤ တၢ်ထူးကွံာ်၀ဲ လီၤဘၣ်ဃိာ်ပူၤလၢသံလံအဃိ လၢခံတၢ်မၤအါထီၣ်န့ၢ်အီၤ ၃ နံၣ်ဒီး လီၤဘၣ်၀ဲဃိာ်ပူၤ ၂၇ နံၣ်၀ံၤ ကတီၢ်အံၤ ၂၀၁၂ နံၣ် စဲးပထ့ဘၢၣ် ၁၇ သီအနံၤ တၢ်ပျဲထီၣ်ကွံာ်လၢ သဘ့ျ ကသ့ၣ် ပ့ၢ်ပီၤအပူၤ ဟးထီၣ်ဘၣ်ကွံာ်၀ဲဒၣ်လီၤ.

ကတီၢ်အံၤ လဖဲဇီၣ်ဆဲအံၤ တက့ၤဒံးလၢ အလီၢ်အိၣ်လီၢ်ဆိးဘၣ်ဒီး လၢတၢ်မုာ်တၢ်ခုၣ်အဂီၢ် မ့ၢ်ကဘၣ် မၤစၢၤ၀ဲဒ်လဲၣ်န့ၣ် ဒ်သိးကထံၣ်န့ၢ်တၢ်အစၢအဂီၢ် ဟဲတုၤ၀ဲလၢ ၀့ၢ်တကူၣ်န့ၣ် စံး၀ဲဒၣ် လီၤ. လၢကသူၣ်ထီၣ်တၢ်မုာ်တၢ်ခုၣ်အဂီၢ် ပဘၣ်သူၣ်ထီၣ်ဆိတၢ်နာ်အဆၢကတၢၢ်အမဲာ်ညါ ကတီၢ် အံၤ ကခၠ့ၢ်ကီၢ်စဲၣ်ပူၤ​ ပှၤဘၣ်ကီဘၣ်ခဲ လၢအကလးတဖၣ်အဂီၢ် ဘၣ်ထွဲတၢ်ဂ့ၢ်အံၤ ဒ်သိးတၢ်ကဘှါရှဲ က့ၤအီၤလၢအဆိအချ့အဂီၢ် လိၣ်၀ဲအဂ့ၢ် လဖဲဇီၣ်ဆဲ စံး၀ဲဒၣ်လီၤ.