လၢဒီကလုာ်ဒံၣ်မိၣ်ကရ့ၣ်စံၣ် ၀ဲၤလီၢ်ခိၣ်သ့ၣ် NLD ပၣ်တံၣ်တခီ ထဲပှၤတဂၤအအိၣ် ပဒိးသန့ၤထီၣ် ပသးတဘၣ်မ့ၢ်ဒ်န့ၣ်တဂ့ၤအဂီၢ် ပမၤတၢ်ဆီတလဲတဖၣ်န့ၣ်, ဒီၣ်စူး အနီၢ်ကစၢ်စ့ၢ်ကီး လၢအလီၢ် ပှၤလၢ အလဲၤနုာ်လီၤမၤတၢ်သ့အဂ့ၢ် ပၣ်တံၣ်ကရၢ နၣ်ယၣ်ကၣ် အူတ့ၣ်အူ စံး၀ဲလီၤ.
NLD ပၣ်တံၣ်အံၤ လၢကီၢ်ပယီၤပူၤ မ့ၢ်၀ဲ ထံရူၢ်ကီၢ်သဲးပၣ်တံၣ်တဖုလၢ အဂံၢ်ဆူၣ်သနာ်က့ ဒီၣ်စူး မ့ၢ်တအိၣ်န့ၣ် ပၣ်တံၣ်တအိၣ်လၢၤဘၣ်အဂ့ၢ်တၢ်ပဲာ်ဖးနီၤဖး၀ဲတဖၣ်အိၣ်စ့ၢ်ကီးလီၤ. လၢတၢ်န့ၣ် အဃိ ဒီၣ်စူး ဃုာ်ဒီး NLD ခိၣ်နၢ်တဖၣ် သူၣ်ဘီၣ်သးစၢ်သွံၣ်သီတဖၣ် ဒ်သိးကလူလီၤက့ၤ၀ဲသွံၣ်အသီဒီး မၤအါထီၣ်ဂံၢ်ဘါအဂ့ၢ်န့ၣ် အိၣ်ကတီၤသးအဂ့ၢ် စံး၀ဲဒၣ်လီၤ.
“ ဒီၣ်စူးစ့ၢ်ကီး နၢ်ပၢၢ်၀ဲအဃိ ပှၤလၢအဟဲလၢအလီၢ်ဒီး မၤတၢ်သ့လၢအလီၢ်ဘၣ်ထွဲတၢ်ဂ့ၢ်အံၤ တၢ်အိၣ်သး ကကဲထီၣ်၀ဲန့ၣ် လၢအခိၣ်နူာ်အပူၤအိၣ်၀ဲလီၤ. အ၀ဲဆိကမိၣ်ဃာ်၀ဲ, ပ၀ဲသ့ၣ်သနာ်က့ ပဆိကမိၣ်ဃာ်လီၤ. ပှၤထဲတဂၤဧိၤ မၤ၀ဲထံရူၢ်ကီၢ်သဲးသ့န့ၣ်တမ့ၢ်ဘၣ်အဂ့ၢ်” အူတ့ၣ်အူ စံး၀ဲလီၤ.
တၢ်သဘ့ျအပၢ် သုးခိၣ်ကျၢၢ် ဆီၣ်ဆါအဖိမုၣ် ဒီၣ်စူးအံၤ ဖဲ ၁၉၉၈ နံၣ်တၢ်ပူထီၣ်အပူၤ ကီၢ်ပယီၤ ဒံၣ်မိၣ်ကရ့ၣ်စံၣ်အဂီၢ် နုာ်လီၤ၀ဲဒၣ်၀ံၤ မ့ၢ်၀ဲပှၤနုာ်လီၤပၢဆှၢတၢ်တဂၤလီၤ. ၁၉၉၀ နံၣ်တၢ်ဃုထၢ အကလုာ်ကလုာ်န့ၣ် ထံကီၢ်ဒီတဘ့ၣ် မၤန့ၢ်၀ဲ တၢ်ဖးသနာ်က့ ပဒိၣ်တခီ တဟ့ၣ်အီၤ Power နီတမံၤဘၣ်န့ၣ်လီၤ.
လၢခံ ဘၣ်အိၣ်၀ဲလၢ ဟံၣ်ပူၤတၢ်ဒုးဃာ် တဘျီဘၣ်တဘျီ၀ံၤ သုးပဒိၣ်ပၢဆှၢ၀ဲ တၢ်ဃုထၢ ၂၀၁၀ နံၣ်အ၀ံၤ တနွံ၀ံၤ ဟးထီၣ်ဘၣ်၀ဲလီၤ. ၀ံၤအလီၢ်ခံ ဂ့ၢ်ဂီၢ်အူတၢ်ဃုထၢအပူၤနုာ်လီၤြပၢတၢ်၀ံၤ မၤနၢၤ တၢ်ဖးဒီး ကဲထီၣ်ဘၣ်၀ဲ ဘျီၣ်ခိၣ်ခၢၣ်စၢးတဂၤလီၤ.
ပှၤဟ့ၣ်တၢ်ဖးကစၢ်တဖၣ် ဒီၣ်စူးအံၤ နီၢ်တဂၤ တၢ်ပာ်ဂံၢ်ပာ်ဘါတၢ်မုၢ်အဃိ တၢ်ဟ့ၣ်အီၤတၢ်ဖးအဂ့ၢ် န့ၣ် တၢ်ပဲာ်ဖးနီၤဖး၀ဲအိၣ်ထီၣ်အသိးသနာ်က့ ဒီၣ်စူးဒီး NLD ပၣ်တံၣ်တၢ်သ့ၣ်တဖၣ်အံၤ သုးတကဲ ထီၣ်တဂ့ၤအဂီၢ် ကတီၢ်အံၤ အိၣ်ကတီၤအသးဒီး မၤ၀ဲဒၣ်န့ၣ်စံး၀ဲလီၤ.
လၢတၢ်န့ၣ်အဃိ ခါဆူညါပၣ်တံၣ်အဂီၢ် ပှၤသးစၢ်တဖၣ် တၢ်ကပာ်အီၤလၢတၢ်အရ့ဒိၣ်အဂ့ၢ်, ဒ်န့ၣ်အ သိးပၣ်တံၣ်၀ဲၤလီၢ်ခိၣ်သ့ၣ် သးစၢ်တဖၣ်စ့ၢ်ကီး သးစၢ်တဖၣ် ထံရူၢ်ကီၢ်သဲးတၢ်သုးထီထီၣ်ပတီၢ် တၢ်မၤ လိတဖၣ် တၢ်ဟ့ၣ်သိၣ်လိလံအဂ့ၢ် န့ၣ် ပသ့ၣ်ညါဘၣ်အီၤလီၤ.
NLD လၢအမၤပှဲၤ၀ဲသးစၢ်တဖၣ်အဂံၢ်အဘါအံၤ လၢခံ တၢ်သးစွံကတုၤကခ့ျထီၣ် လၢပၣ်တံၣ်ဒီဖု တၢ်ကထံၣ်က့ၤအီၤအသိး ထံရူၢ်ကီၢ်သဲးအဘၢၣ်စၢၤ တၢ်ြပၢတဖၣ် ကဟဲအါထီၣ်၀ဲအဂ့ၢ် အူတ့ၣ်အူ စံး၀ဲလီၤ.
“ဘၣ်မနုၤဃိလဲၣ်န့ၣ် တၢ်လၢပဘၣ်ြပၢတဖၣ် တညီဒ်လၢညါအသိးဘၣ်, လၢတၢ်န့ၣ်အဃိ ပဘၣ်မၤ, ဘၣ်ထွဲဒီးတၢ်ဂ့ၢ်အံၤ ဖဲလၢပမၤအီၤအလီၢ်န့ၣ် အရ့ဒိၣ်၀ဲလၢ ပှၤကမျၢၢ်ကနာ်၀ဲအဂီၢ် ကမ့ၢ်ဂံၢ်ဘါလၢ ဃူဖိအဂီၢ် ကကျဲးစၢး၀ဲအဂ့ၢ်” စံး၀ဲလီၤ.
NLD ဟဲကဲထီၣ်အသးအံၤ ဖဲ ၁၉၈၈ တၢ်ပူထီၣ်လီထီၣ်အံၤ တၢာ်ကွံာ်နီၢ်ကစၢ်တၢ်ဘၣ်ဘျုး အဂ့ၢ်, လၢတၢ်န့ၣ်အဃိ ကီၢ်ပူၤ ကီၢ်ချၢ ၈၈ ကၠိဖိစၢၤသွဲၣ်ဒီးပၣ်တံၣ်မ့ၢ်ဟဲပာ်ဖှိၣ်ထီၣ်အသးတူၢ်လိာ်၀ဲ အဂ့ၢ် NLD ဘိးဘၣ်ရၤလီၤ၀ဲလီၤ.
ဒ်န့ၣ်အသိး ကီၢ်ပူၤ ကီၢ်ချၢ ၈၈ စၢၤသွဲၣ်သီကၠိဖိဒီး ကရၢလၢ အထီဒါ၀ဲပဒိၣ် ဂံၢ်ဘါအဂၤတဖၣ် တခီ လၢဒံၣ်မိၣ်ကရ့ၣ်စံၣ်အဂီၢ် ကျဲးစၢးအဃိ တၢ်ကီတၢ်ခဲလၢ ထံၣ်ဘၣ်တဖၣ် ဒိသူၣ်ဒိသးဒီး ကရၢတဖၣ် တခီ ကတီၢ်အံၤ NLD ပၣ်တံၣ်အပူၤ ကဟဲနုာ်အဂီၢ် တၢ်စံးကတိၤတအိၣ်ဒံးအဃိ အူတ့ၣ်အူ ရှဲပၠး၀ဲ လီၤ.
၂၀၁၅ နံၣ် တၢ်ဃုထၢအံၤ NLD တခီ ကမၤန့ၢ်၀ဲ တၢ်ဖးအဂ့ၢ် မုၢ်လၢ်ဃာ်၀ဲသနာ်က့ တညီဘၣ်အဂ့ၢ်, ပၣ်တံၣ် အဒိၣ်တဖုလၢအမ့ၢ် ကၠးဖိးပၣ်တံၣ်ဒီး ပၣ်တံၣ်အဂၤတဖၣ်စ့ၢ်ကီး တၢ်ဂံၢ်စၢ်တဖၣ် ဘှီက့ၤဒီး ကအိၣ်ဒီးခီၣ်တ ဃာ်ဒီး ကပလီၢ်သးလိၣ်၀ဲအဂ့ၢ် စ့ၢ်ကီးန့ၣ် စံး၀ဲလီၤ.
Post a Comment