လၢ - စီၤဖိထူ (KSNG)
သိလ့ၣ်ဘၣ်ဘျၢၣ်သံပိာ်မုၢ် အဂၤဖဲ အနွံညါအံၤ မုၢ်လွံၢ်နံၤ မုၢ်ဃ့ၢ်လီၤ တနၣ်ရံၣ်တခီ ဃၣ်ဃၣ်အဂ့ၢ်န့ၣ် ဒဲက၀ီၤ စိၤဘံၤ ၃ ခိၣ် စီၤမီၤညိၣ်တဲ၀ဲလီၤ.
ကညီပိာ်မုၣ်လၢ သိလ့ၣ်ဘၣ်ဘျၢၣ်သံအီၤအဂၤအံၤအမံၤလၢနီၤမၣ်ဖွါ အသးနံၣ်အိၣ်၀ဲ ၄၀နံၣ်, အိၣ်၀ဲလၢက၀ီၤဒ့ စိၤအံၤ ၃ ဒီး သိလ့ၣ် ဘၣ်ဘျၢၣ်အီၤဖဲ စိၤဘံၤ ၃ ြတဲၤဒီးသံ၀ဲလီၤ.
ပိာ်မုၣ်တဂၤအံၤ သံ၀ဲတဘျီဃီဖဲသိလ့ၣ်ဘၣ်ဘျၢၣ်အီၤအလီၢ် အဂ့ၢ်န့ၢ် ပှၤလဲၤကွၢ်သိလ့ၣ်ဘၣ်ဘျၢၣ်လၢအမ့ၢ် စိၤဘံၤ ၃ က၀ီၤဒ့ခိၣ် စီၤမီၤညိၣ် တဲ၀ဲဒ်အံၤလီၤ.
“သိလ့ၣ်တဲးတခီ မ့ၢ်၀ဲဖဲ ဇီၣ်ဘံၣ်, ဘံၣ် ၃ ကိမ့အြတဲၤလၢ တယံၤတဘူးဒီး (SMRU) တၢ်ဆါ ဟံၣ်အကဲးကအိၣ်၀ဲ ၃၀ ဃၣ်ဃၣ်န့ၣ်လီၤ. လၢကျဲခိၣ်ထီး ပှၤတဂၤ သိလ့ၣ်အကလုၢ်သီၣ် “ြကီၣ်” ဒီးပလဲၤကွၢ်တဘျီ ပိာ်မုၣ်တဂၤ လၢသိလ့ၣ်အဖီလာ် သံကွံာ်၀ဲတဘျီဃီလီၤ. ” အဂ့ၢ် စံး၀ဲဒၣ်လီၤ.
ကသံၣ်ကရၣ်လၢဒဲက၀ီၤပူၤဟဲကွၢ်သမံသမိၤ၀ဲ၀ံၤဒီး ပိာ်မုၣ်လၢအသံအဂၤအံၤ အမဲာ်သၣ်,အနါဒ့ဒီး အသးနါပှၢ်အပှံာ်၀ဲဒီးအိၣ်ပှဲၤဒီးအသွံၣ် အဂ့ၢ်န့ၢ်အ၀ဲတဲအါထီၣ်၀ဲလီၤ.
သိလ့ၣ်လၢအဘျၢၣ်ဘၣ်တၢ်တခိၣ်အံၤ အခိၣ်န့ၢ် အလွဲၢ်၀ါဒီးအမိၢ်ပှၢ်တခီပှၤတ့အီၤလၢသ့ၣ်ဒီး မ့ၢ်သိလ့ၣ် အပၣ်အိၣ်၆ ပၣ် တခိၣ် လီၤ.
သိလ့ၣ်ဘၣ်ဘျၢၣ်သံပှၤတဘျီအံၤ ပှၤဘၣ်မူဘၣ်ဒါလၢဒဲက၀ီၤပူၤတဖၣ် ဒီး ကၠီၣ်တဲၣ်သုးတ ဖၣ် ဟဲကွၢ်သမံသမိးကွၢ်၀ဲ အဂ့ၢ်န့ၣ် စီၤမီၤညိၣ်တဲ၀ဲလီၤ.
အ၀ဲစံး၀ဲ“ ကတီၢ်အံၤ ကၠီၣ်တဲၣ်ပှၤဘၣ်မူဘၣ်ဒါတဖၣ် ဟဲဒီးသမံသမိး၀ဲဒီး ဒိ၀ဲတၢ်ဂီၤ လီၤ. ၀ံၤဒီး ဟံး၀ဲတၢ်မၤနီၣ်ဒ်န့ၣ်လီၤ. အ၀ဲသ့ၣ် ကသံၣ်သရၣ်တကပၤ တခီ ဟဲပၣ်ဃုာ်၀ဲ မ့မ့ၢ်လၢ သိလ့ၣ်ကစၢ်တခီ ကမၤမနုၤလဲၣ်န့ၣ် ပတသ့ၣ်ညါအီၤဒံးဘၣ်”အဂ့ၢ် စံး၀ဲလီၤ.
ကညီပိာ်မုၣ် နီၢ်မၣ်ဖွါလၢသိလ့ၣ်ဘၣ်ဘျၢၣ်သံအီၤအဂၤအံၤ အဖိလၢအထီၣ်ကၠိ လွံၢ်ဂၤဒီး အ၀ၤ အိၣ်၀ဲအဂ့ၢ်န့ၢ်ပသ့ၣ် ညါဘၣ်လီၤ.
မဲၢ်လးကညီဘၣ်ကီဘၣ်ခဲဒဲက၀ီၤအံၤ ကညီဘၣ်ကီဘၣ်ခဲ နွံဘ့ၣ်အကျါ မ့ၢ်ပှၤ၀ဲလၢ ပှၤဒဲက၀ီၤဖိအိၣ်အါကတၢၢ် ဒီး မ့ၢ်စ့ၢ်ကီးဒဲက၀ီၤလၢအဒိၣ်ကတၢၢ်တဖျၢၣ်စ့ၢ်ကိးလီၤ.
+ comments + 1 comments
(စီၤဖိထူ (KSNG)
သိလ့ၣ်ဘၣ်ဘျၢၣ်သံပိာ်မုၢ် အဂၤဖဲ အနွံညါအံၤ မုၢ်လွံၢ်နံၤ မုၢ်ဃ့ၢ်လီၤ တနၣ်ရံၣ်တခီ ဃၣ်ဃၣ်အဂ့ၢ်န့ၣ် ဒဲက၀ီၤ စိၤဘံၤ ၃ ခိၣ် စီၤမီၤညိၣ်တဲ၀ဲလီၤ.)
ဒီသတင္းနဲ႔ပတ္သက္ျပီး နည္းနည္းအၾကံေပးခ်င္တယ္။ (စီၤဖိထူ (KSNG)) စားတန္းက တအားကပ္ေနတယ္။ တခ်ိဳ႔လူေတြက (စီၤဖိထူ (KSNG) ကားတိုက္တယ္လို႔ထင္ေနတယ္။ အဲဒါေၾကာင့္နည္းနည္း ျခားေပးရင္ ပိုရွင္းသြားမယ္ထင္တယ္။
Post a Comment