အီးကထိဘၢၣ် ၂ သီ , ၂၀၁၂ နံၣ် စီၤခါဆူညါ , ခ့ၣ်အဲးစံၣ်
KCSN မူဒါခိၣ်လၢအမ့ၢ် ခိမံရဲၣ် စံး၀ဲ“ တၢ်တိာ်ကျဲၤအံၤ မ့ၢ်တပတုာ်၀ဲသပှၢ်ကတၢၢ်န့ၣ် ကရ့ၣ်နံၣ်ဒီက လုာ်တၢ်လဲၤထီၣ်လဲၤထီပၣ်တံၣ် “ခ့ၣ်အဲန်ဖံၣ်ဖံၣ်” ဒီးပဒိၣ်အဘၢၣ်စၢၤ တၢ်မုာ်တၢ်ခုၣ်အဂီၢ် မ့ၢ်တၢ်နီး တၢ်ဘျးကကဲထီၣ်န့ၣ် ပဘၣ်ယိၣ်လီၤ. လၢတၢ်န့ၣ်အဃိ ဘၣ်ထွဲ တမၢၢ်အံၤ တၢ်တိာ်ကျဲၤန့ၣ် ဒ်သိးကမၤ၀ဲ ပျီပျီရှဲရှဲ အဂီၢ် ပဃ့ထီၣ်၀ဲဒၣ်လၢ ပဒိၣ်အအိၣ်” အဂ့ၢ် စံးဘၣ်၀ဲ ခ့ၣ်အဲးစံၣ် လီၤ.
ကတီၢ်အံၤ ကီၢ်ပယီၤပဒိၣ်ဒီး ခ့ၣ်အဲန်ဖံၣ်ဖံၣ် တၢ်သးလီၤပလိာ်အကျါ ထံတမၢၢ်ပၣ်ဃုာ်တၢ်တိာ်ကျဲၤ လၢအဒိၣ်အထီတၢ်မၤတဖၣ် တၢ်မ့ၤမၤအီၤန့ၣ် ကမျၢၢ်ဒီး ပှၤဂ့ၢ်၀ီကရူၢ်ကရၢတဖၣ် အဖီခိၣ် ကဘၣ် အိၣ်ဒီးတၢ်ဖျါပျီပျီရှဲရှဲ ပၣ်ဃုာ်၀ဲအဂ့ၢ် အ၀ဲဆဲးတဲဒုးနဲးပၠး၀ဲလီၤ.
သ၀ီသီ ရွာသစ် ထံတမၢၢ်တၢ်တိာ်ကျဲၤအံၤ တၢ်ကမၤအဖျါထီၣ်အမိၢ်လံၤမိၢ်ပှၢ်အဂီၢ် ပယီၤပဒိၣ်အ သုးဒီး တရူးခီပနံၣ်တဖၣ် ဖဲ ၂၀၁၀ နံၣ် , ယနူအါရံၤ န့ၣ် ထံၣ်လိာ်သး၀ံၤ ခံကပၤလၢာ် ဆဲးသကိး၀ဲ တၢ်မၤတၢ်နၢ်ပၢၣ် လံာ်ဃံးဃာ်လီၤ.
အ၀ဲသ့ၣ်ခံကပၤလၢာ် အိၣ်ဒီး တၢ်ဘၣ်သး၀ံၤအလီၢ်ခံ တၢ်တိာ်ကျဲၤအံၤဘၣ်တၢ်မၤဖျါထီၣ်အမိၢ်လံၤ မိၢ်ပှၢ်အဂီၢ် ကတီၢ်အံၤ တၢ်စးထီၣ်အီၤဒ်ဂံၢ်ခီၣ်ထံးအသိး မ့ၢ်တတုၤဒံးသနာ်က့ ပှၤခိးထံတမၢၢ် တၢ်ဘံၣ် တၢ်ဘၢလၢအမ့ၢ် ပဒိၣ်အသုးတဖၣ် ဟဲထီၣ်၀ဲဒၣ်ဒီး အသုးအိၣ်၀ဲအဂ့ၢ် KCSN စံး၀ဲဒၣ်လီၤ.
တနံၤအံၤ မုၢ်ဃ့ၢ်လီၤ ၂ နၣ်ရံၣ်တုၤ ၄ နၣ်ရံၣ် တၢ်မၤ၀ဲ ကီၢ်ပူၤတၢ်ဒုးသ့ၣ်ညါတၢ်ကစီၣ်အမူးအံၤ ပှၤဃုတၢ်ကစီၣ်ဖိ ၃၀ ဘျဲၣ်ဟဲထီၣ်၀ဲန့ၣ် တၢ်သူၣ်ထီၣ်တမၢၢ်အဆၢကတီၢ် ခိၣ်ဃၢၤန့ဆၢၣ်ဟးဂုၤဟး ဂီၤဒီး တၢ်မၤထီဒါပှၤဂ့ၢ်၀ီခွဲးယာ်တဖၣ် အိၣ်တအိၣ် KCSN တခီ တၢ်ြကၢးလဲၤလီၤဃုသ့ၣ်ညါ၀ဲလၢ အကစၢ်လိၣ်၀ဲအဂ့ၢ် ဃ့ထီၣ်၀ဲဒၣ်လၢ ပဒိၣ်အအိၣ်န့ၣ် ခူဘံၣ်ထူ စံး၀ဲဒ်အံၤလီၤ.
“ တၢ်သူၣ်ထီၣ်တမၢၣ်အံၤ တၢ်မနုၤကကဲထီၣ်လဲၣ်န့ၣ် တ့ၣ်ညါသနာ်က့ ပဒိၣ်တခီ မ့ၢ်ပာ်လီၤ၀ဲ ပျီပျီ ရှဲရှဲမး ကမၤ၀ဲတၢ်တိာ်ကျဲၤဒ်အံၤတမ့ၢ်ဘၣ်. လၢတၢ်အံၤအဖီခိၣ် ပဒိၣ်တခီ ကဘၣ်ဟ့ၣ်၀ဲ ပ၀ဲသ့ၣ် လၢ ကဃုသ့ၣ်ညါ၀ံၤ ပာ်ဖျါ ပျီပျီရှဲရှဲမး ြကၢးမၤ၀ဲန့ၣ် ပဃ့ထီၣ်၀ဲအဂ့ၢ်” ခိဘံၣ်ထူ စံး၀ဲလီၤ.
Karenni Civil Society Network-KCSN အံၤအိၣ်သူၣ်လီၤအသးဖဲ ကၠီၣ်တဲၣ်မ့ၢ် ကရ့ၣ်နံၣ်သးစၢ်က ရၢ, ပိာ်မုၣ်ကရၢပၣ်၀ဲဒီး ပှၤဂ့ၢ်၀ီကရူၢ်ကရၢ ၉ ဖုဖဲ ၂၀၀၉ နံၣ်န့ၣ် ဘၣ်တၢ်ဒုးအိၣ်ထီၣ်အီၤလီၤ.
Post a Comment