ကညီဒီကလုာ်စၢဖှိၣ်ကရၢ ခ့ၣ်အဲၣ်ယူၣ်ဒီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ် ခ့ၣ်အဲန်အဲလ်အ့ၣ် အဘၢၣ်စၢၤ လီၤဖး တၢ်စံး၀ဲအံၤ တမ့ၢ်၀ဲဘၣ်အဂ့ၢ်ဒီး ကတီၢ်အံၤ တၢ်ဂ့ၢ်ကီလၢ အအိၣ်ထီၣ်တဖၣ် မ့ၢ်လၢ ခိၣ်နၢ်တၢ်ကိညါပူၤ တၢ်ပာ်သးတဒ်သိးဘၣ်အဂ့ၢ် ခ့ၣ်အဲၣ်ယူၣ် အနဲၣ်ရွဲၢ် နီၢ်စံၣ်ဖိရၤစ့ၤ စံး၀ဲဒၣ် ခ့ၣ်အဲးစံၣ်လီၤ.
ကညီကီၢ်စဲၣ် ဖၣ်အၣ်၀့ၢ် စဲးပထ့ဘၢၣ် ၂၉ သီအနံၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် ခ့ၣ်အဲန်အလ်အ့ၣ် လဲၤအိးထီၣ်၀ဲ တၢ်ရ့လိာ်မုာ်လိာ်၀ဲၤဒၢးအံၤ ခ့ၣ်အဲၣ်ယူၣ် တၢ်ဘၣ်သးတပၣ်၀ဲဘၣ် အဂ့ၢ် အသီအတီၢ်ပူၤ ခ့ၣ်အဲၣ်ယူၣ် အလံာ်ဘိးဘၣ်ရၤလီၤတဘ့ၣ်အပူၤ ဘိးဘၣ်ရၤလီၤ၀ဲ၀ံၤအလီၢ်ခံ ခ့ၣ်အဲၣ်ယူၣ် အနဲၣ်ရွဲၢ် စံးဘၣ်၀ဲဒၣ်ဒ်အံၤလီၤ.
နီၢ်စံၣ်ဖိရၤစ့ၤ စံး၀ဲ “ ဒ်ပနီၣ်ဟူဘၣ်အသိး ခ့ၣ်အဲၣ်ယူၣ်ဒီး ခ့ၣ်အဲန်အဲလ်အ့ၣ် အတၢ်ပာ်သးလီၤဆီ၀ဲ န့ၣ် တမ့ၢ်ဘၣ်န့ၣ် ပအဲၣ်ဒိးတဲဘၣ်သးကမျၢၢ်လီၤ. တၢ်လၢအရ့ဒိၣ်တခီ မ့ၢ်၀ဲ ခိၣ်နၢ်တၢ်ဂ့ၢ်ကီအသိး လီၤ. ဘၣ်မနုၤဃိလဲၣ်န့ၣ် ပ၀ဲသ့ၣ်တၢ်မၤလၢပကမၤခါဆူညါ, တၢ်လၢဘၣ်မၤတဖၣ် ဒ်ညီနုၢ်အသိး ကဆဲးမၤ၀ဲအဂ့ၢ် ” စံး၀ဲလီၤ.
တၢ်လဲၤအိးထီၣ် တၢ်ရ့လိာ်မုာ်၀ဲၤဒၢးဖဲ ဖၣ်အၣ်၀့ၢ် ပှၤလၢအလဲၤပၣ်ဃုာ် ကညီဒီကလုာ်တၢ်ထူၣ်ဖျဲး သုးမုၢ်ဒိၣ် ခ့ၣ်အဲန်အဲလ်အ့ၣ် သုးက့ ၇ ခိၣ် သုးခိၣ်ကျၢၢ်ဖိ စီၤကၠီၣ်နံၣ် စ့ၢ်ကီး စံ၀ဲဒ်အံၤလီၤ.
အ၀ဲစံး၀ဲ “ ဆၢကတီၢ်ခဲအံၤ ဒ်တၢ်ဖီၣ်ခိၣ်တၢ်နဲၣ်လီၤအသိး ပမၤထွဲလီၤ. ပမ့ၢ်ကွၢ်က့ၤခံကပၤလၢာ်န့ၣ် မ့ၢ်ဒၣ်ခိၣ်နၢ်ခဲလၢာ်လီၤ. ကတီၢ်အ့ၤတၢ်အိၣ်သးန့ၣ် မ့ၢ်၀ဲခိၣ်နၢ်တဖၣ် တၢ်ဂ့ၢ်ကီအဃိ အ၀ဲသ့ၣ်ကဒဲက ဒဲ မ့ၢ်ကွၢ်လိာ်သးမဲာ်ဒီး တၢၣ်ပီၣ်သကိးက့ၤအီၤန့ၣ် မ့ၢ်တၢ်ဂ့ၤကတၢၢ်လီၤ. လၢတၢ်အံၤအဃိ ပ၀ဲသ့ၣ်ဒ်ပမၤန့ၢ်အသိး ပကျဲးစၢးမၤစၢၤအဂ့ၢ်” စံးဘၣ်၀ဲ ခ့ၣ်အဲးစံၣ်လီၤ.
“အနီၢ်နီၢ်တခီ ဖၣ်အၣ် တၢ်ရ့လိာ်မုာ်လိာ်၀ဲၤဒၢးအံၤ လခသ လီၢ်ခၢၣ်သးတမ့ၢ်ဘၣ်. မ့ၢ်၀ဲ ခ့ၣ်အဲန်အဲလ်အ့ၣ် သုးက့တဖၣ် အတၢ်ရ့လိာ်မုာ်လိာ်၀ဲၤဒၢးလီၤ. တၢ်ပညိၣ်တခီ တၢ်ပတုာ်တၢ်ခးအ ကတီၢ် တၢ်ဖီလာ်တၢ်ကဲထီၣ်သးသတူၢ်ကလာ်မ့ၢ်အိၣ် ကဘှါရှဲအဂီၢ်, သူၣ်ထီၣ်တၢ်နာ်ဒီး တၢ်နၢ်ပၢၢ် တဖၣ်လီၤ. တၢ်သ့ၣ်တဖၣ်အံၤ မ့ၢ်၀ံၤဒီး ခိၣ်နၢ်လၢ ကစံးသကိး၀ဲ ထံရူၢ်ကီၢ်သဲး ခိၣ်နၢ်တဖၣ် တၢ်ကတၢၣ်ပီၣ်သကိးအီၤကဘှၢကဘှၢလီၤ. ဖဲန့ၣ်အဆၢကတီၢ် သုးတဖၣ်တလိၣ်လၢ ကဘၣ်ပၣ် ဃုာ်လၢၤဘၣ်အဂ့ၢ်” စံးဘၣ်၀ဲ ခ့ၣ်အဲးစံၣ်လီၤ.
ကီၢ်ပယီၤပဒိၣ်ဒီးခ့ၣ်အဲၣ်ယူၣ် တၢ်မုာ်တၢ်ခုၣ်ခၢၣ်စးတဖၣ်အံၤ တၢ်ထံၣ်လိာ်တဖၣ် စးထီၣ်လၢ တၢ်စး ထီၣ်အီၤန့ၣ် ခံကပၤလၢာ်တၢ်ရ့လိာ်မုာ်လိာ်၀ဲၤဒၢးအံၤ ခ့ၣ်အဲၣ်ယူၣ်တခီ အိၣ်ဒီး တၢ်ဘၣ်သးလၢ ကအိးထီၣ်ထီၣ်၀ံၤ ဒ်တၢ်ပာ်ပနီၣ်အသိး ခ့ၣ်အဲၣ်ယူၣ် ကီၢ်ရ့ၣ်ပတီၢ်, လီၢ်ခၢၣ်သးပတီၢ် သုးတၢ်ဂ့ၢ်တဖၣ် အမဲာ်ညါ တၢ်ပၢဆှၢရဲၣ်ကျဲၤ, ကမျၢၢ်ဒီး တၢ်ဂ့ၢ်အဂၤတဖၣ် ခံကပၤလၢာ် တၢၣ်ပီၣ်သကိး၀ဲအဂ့ၢ် နီၢ်စံၣ်ဖိရၤစ့ၤ စံး၀ဲဒၣ်လီၤ.
လၢ ဖၣ်အၣ် တၢ်ရ့လိာ်မုာ်လိာ်အ၀ဲၤဒၢးအံၤ ကညီဒီကလုာ်စၢဖှိၣ်ကရၢ လီၢ်ခၢၣ်သး ပှၤရဲၣ်ကျဲၤတၢ် လၢအမ့ၢ် သုးခိၣ်ကျၢၢ် မူတူစ့ဖိ , ပဒိၣ် ဒ့ဘ့းထီဒီး ပဒိၣ်ရီကၠၢၣ်ခ့ၣ် တဖၣ် ပၣ်ဃုာ်၀ဲ၀ံၤ ပဒိၣ်ကွဲၤထူ၀့ ,ပဒိၣ်ဆွ့ၣ်မီ, သုးခိၣ်ကျၢၢ်ဖိ ဆၣ်မံၣ်စ့ဖိ, သုးခိၣ်ကျၢၢ်ဖိ ကၠီၣ်နံၣ်တဖၣ် ဒီး သုးခိၣ်သုးနၢ်လၢအဂၤတ ဖၣ်လဲၤဃုာ်၀ဲလၢ တၢ်အိးထီၣ်တဘျီအံၤ တမ့ၢ်၀ဲလီၢ်ခၢၣ်သး၀ဲၤလီၢ်ခိၣ်သ့ၣ် အတၢ်ရဲၣ်တၢ်ကျဲၤဘၣ် န့ၣ် စဲးပထ့ဘၢၣ် ၂၇ သီအနံၤ ခ့ၣ်အဲၣ်ယူၣ် ဘိးဘၣ်ရၤလီၤ၀ဲလီၤ.
ကတီၢ်အံၤ သုးက့ခိၣ်တဖၣ် ဒီးကီၢ်ရ့ၣ်ခိၣ်တနီၤ ဟဲတုၤ၀ဲလၢ ကီၢ်ဆၢ၀ံၤ သုးခိၣ်ကျၢၢ် မူတူစ့ဖိ တခီ လဲၤ၀ဲဒၣ်လၢ ၀့ၢ်တကူၣ်အဂ့ၢ် ကီၢ်ပူၤပှၤဃုတၢ်ကစီၣ်ဖိတဖၣ် စံး၀ဲအဃိ ပသ့ၣ်ညါဘၣ်အီၤလီၤ. အ၀ဲ မ့ၢ်ဟဲက့ၤန့ၣ် တၢ်ထံၣ်လိာ်တၢၣ်ပီၣ်သကိးတဖၣ် တၢ်ကဆဲးမၤအီၤစ့ၢ်ကီးန့ၣ် ခ့ၣ်အဲၣ်ယူၣ် အနဲၣ်ရွဲၢ် စံး၀ဲဒၣ်လီၤ.
ပှၤဖီၣ်စုကဝဲၤဒီးပၢၢ်ဆၢတၢ်အနံၣ် ၆၃ နံၣ်လၢအမ့ၢ် ကညီဒီကလုာ်စၢဖှိၣ်ကရၢ ခ့ၣ်အဲၣ်ယူၣ် အံၤ တၢ်အိၣ်ဖှိၣ် ၁၅ ၀ီတ၀ီ အီးကထိဘၢၣ် တၢ်ကမၤအီၤအဂီၢ် အိၣ်ကတီၤသးအဂ့ၢ်န့ၣ် ပသ့ၣ်ညါဘၣ် အီၤလီၤ.
+ comments + 2 comments
i want to kill some leader
who will you kill , don't kill good leader , you should kill some leader like those 3
Post a Comment