တၢ်တၢၣ်ပီၣ်သကိးတဘျီအံၤ ကညီကလုာ် ပှၤမၤတၢ်မုာ်တၢ်ခုၣ်တဖၣ် အါအါဂီၢ်ဂီၢ် ဟဲထီၣ်၀ဲဒၣ်လီၤ. ဘၣ်မနုၤအဃိ တၢ်လဲၤအိးထီၣ် ခ့ၣ်အဲၣ်ယူၣ် တၢ်ရ့လိာ်မုာ်လိာ်အ၀ဲၤဒၢးဖဲ ၀့ၢ်ဖၣ်အၣ်လဲၣ်န့ၣ် တဒိးန့ၢ်ဘၣ် တၢ်သးလီၤပလိာ်ဒီး ခ့ၣ်အဲၣ်ယူၣ် ဒံးဘၣ်ဒီး ကဲထီၣ်၀ဲအဃိ တၢ်လၢအကဲဘျုးတဖၣ် အံၤ မၤ၀ဲတၢ်ထံၣ်လိာ်တၢၣ်ပီၣ်သကိးလီၤ.
ခ့ၣ်အဲၣ်ယူၣ် လဲၤအိးထီၣ်၀ဲ တၢ်အိးထီၣ်အမူး ခိၣ်နၢ်တၢ်ဖီခိၣ် ၃ ဂၤ တၢ်ထုးကွံာ်အီၤလၢ မူဒါတၢ်ဖံး တၢ်မၤအပူၤလီၤ. လၢတၢ်ထုးကွံာ်ဒ်အံၤအဃိ အပူၤကွံာ် အနံၣ် ၂၀ အပူၤ တၢ်ထုးဖးဒ်အံၤတဖၣ် ခ့ၣ်အဲၣ်ယူၣ် ထံၣ်ဘၣ်၀ဲအံၤ လၢခံ လီၤမုၢ်လီၤဖးအံၤ ဘၣ်သဂၢၢ်၀ဲလံဧါ, တၢ်သံကွၢ်တဖၣ် ဟဲဖျါထီၣ် ၀ဲလီၤ.
လၢတၢ်အိးထီၣ်မူးတဘျီအံၤ ဘၣ်ထွဲလိာ်အသးဒီး အူသ့စ့ၣ် လဲၤ၀ဲလၢ ကီၢ်အမဲရံကၣ်စ့ၢ်ကီးလီၤ. တၢ်လဲၤကျဲအတီၢ်ပူၤ ဒိးန့ၢ်ဘၣ်၀ဲ တၢ်မုာ်တၢ်ခုၣ်တၢ်မၤနၢၤတခါလံ စံး၀ဲန့ၣ် လီၢ်ခၢၣ်သးပတီၢ် တၢ်အိးထီၣ်၀ဲၤဒၢးအံၤ ဒုးနဲၣ်ပၠး၀ဲလီၤ.
ဒ်န့ၣ်အသိး လၢတၢ်မၤနၢၤတဘျီအံၤ ခ့ၣ်အဲၣ်ယူၣ် တၢ်ဖီခိၣ် ခိၣ်နၢ် ၃ ဂၤ ဘၣ်တၢ်ထုးကွံာ်အီၤလၢ မူဒါအပူၤအံၤ ဟဲဖျါထီၣ်၀ဲလီၤ.
တၢ်အိၣ်ဖှိၣ်ဖဲ ၀့ၢ်တကူၣ် ဘၣ်ထွဲတၢ်ဂ့ၢ်အံၤ ကိတိာ်အူအီၣ်မ့တခီ စံး၀ဲ လၢ အဲၣ်ဒိး၀ဲလၢ ကညီကလုာ် တဖၣ် ကအိၣ်ဃူအိၣ်ဖိး, ပဒိၣ်တဖၣ်တအိၣ်ဒီး တၢ်မၤလီၤဖးတၢ် ကျဲသနူ, ဒ်သိးကဒိးန့ၢ်ဘၣ် တၢ်မုာ် တၢ်ခုၣ်လီၤစိၤအဂီၢ် ကဆဲးမၤ၀ဲအဂ့ၢ် စံး၀ဲလီၤ.
တၢ်ထံၣ်လိာ်တၢၣ်ပီၣ် တၢ်ကဲဘျုးတခီ“ ကတီၢ်အံၤ တၢ်ဂ့ၢ်လၢအကဲထီၣ်အသးတဖၣ် ခ့ၣ်အဲၣ်ယူၣ် မ့ၢ်ကိးအီန့ၣ် ကီၢ်စၢဖှိၣ်ကတိာ် အူအီၣ်မ့ဒီး တၢ်မုာ်တၢ်ခုၣ်တခီ အိၣ်ကတီၤဃာ်အသးလၢ ကထံၣ် လိာ်အသးအဂီၢ်လီၤ”န့ၣ် တၢ်အိၣ်ဖှိၣ်အပူၤ ဆၢတဲာ်ဃာ်၀ဲလီၤ.
လၢကမၤ၀ဲတၢ်မုာ်တၢ်ခုၣ်အဂီၢ် ကိတိာ်ဒီး ကညီကလုာ်တၢ်မုာ်တၢ်ခုၣ် တဖၣ် အဆၢတတဲာ် ကဆဲး တၢၣ်ပီၣ်သကိး၀ဲန့ၣ် ဆၢတဲာ်စ့ၢ်ကီး၀ဲန့ၣ် စံး၀ဲလီၤ.
ပှၤလၢအဟဲထီၣ်လၢ တၢ်ထံၣ်လိာ်တၢၣ်ပီၣ်သကိးအပူၤတဖၣ် အူထိအီၣ်ခၠံၣ်, အူမါမီၣ်မီၣ်ညၣ်, အူစီထိမၠံး, သရၣ် ဒီးကထၢၣ် စီၤမၣ်ဂ့ၤကၠံ, ဒီးကထၢၣ် အ့ၤနၣ်မ့စ့ဖး, ဒီးကထၢၣ် စီၤစဲမၢၢ်သၣ်, ဒီးကထၢၣ် ရံၣ်ဘဲခၣ်ထ့ၢ်, ဒီးကထၢၣ် ဂ့ၤဘရဲၣ်, စီၤလးထိ, မါကၠီၣ်ညိး, နါခ့ၣ်အ့အူ, မါသါ၀့အူ, နီၢ်စူၢ်စဲနၢ်လၣ်လၣ်စိ, စီၤထိလၣ်ဘီၣ် တဖၣ်လီၤန့ၣ် စံး၀ဲလီၤ.
Post a Comment